火車頭越南餐室 (浣紗街)

Open Now

Now Closed

好耐冇食過越南野了，因為心血來潮好想食越南火車頭湯河，見到依間網上評分幾高於是就去咗食喇〜一踏入門口就發現依度既裝修真係好別緻呀！因為真係好肚餓，我地就都係嗌咗野食先啦首先嚟到既係越南春卷，炸得非常香脆，好啱做餐前小食，好開胃之後我地仲叫咗沙嗲雞肉串燒同埋米紙卷。沙嗲串燒個沙嗲汁好香唔會辣，雞肉都有燒烤過既味道而米紙卷口感好好，入面包住既薄荷葉令人覺得好清新〜最後就係招牌火車頭湯粉喇〜入面有生熟牛肉，牛丸，牛腩，蘿白等等，份量十足〜湯底濃味得嚟又甜甜地，令人忍唔住想飲晒佢呀哈哈仲有仲有，依度既椰青都好甜好大個，必嗌呀〜下次一定再帶埋屋企人嚟食姐〜