咖哩葉

Open Now

Now Closed

呢間印度菜充滿風味，餐廳裝修得都幾靚，有兩層。我哋坐咗喺上層，呢度一般會比樽裝水你，當然你亦都可以要求要普通水。我哋就要左樽裝水。冇幾耐就有啲咖喱薄脆做前菜，夠薄夠脆 ，帶點辣辣地味。我哋叫咗馬沙文咖喱雞，呢度啲雞估唔到非常嫩滑，而且份量都幾多。咖喱汁就正常份量，咖喱充滿香料味，而且有咖喱香。我就叫咗蒜蓉味薄餅，蒜蓉味好香，另外仲叫咗手抓薄餅就比較煙韌。另外叫咗香炸空心球，整到一個個波咁，上面有個窿好薄脆，然後入邊有啲印度香料，再配羅望子醬酸酸地。餐廳幾適合香港人口味，不錯。