Video
Read full review
2019-05-04
501 views
好少可以慢慢咁享受一餐飯，生活忙忙碌碌咁，食野淨係為左填肚多。不過今次好開心可以係Diletto度享受食物既味道😋Diletto係尖東站門外，直行10秒就到，佢位於大廈既2樓，行一條夠哂氣派既樓梯，就可以入到呢間餐廳架啦😛樓梯兩邊都有d鏡，加上光線互相折射，感覺好似一條時光隧道咁，去左第二個世界。人地話係鬧市中既秘密花園，真係去過先感受到。餐廳既空間感好大，座位同座位之間唔會好密，仲有好多花草做裝飾，做客人既我覺得好舒適、猶如去左一個花園咁😍呢度有落地大玻璃可以睇到外面，天花板既燈飾都好似樹枝咁，成個裝潢都好一致。餐牌由於我同朋友兩個人都唔係太肚餓，所以無叫Dinner Set，叫左一份主菜同一個意粉。一黎就上左餐包先，餐包似係自己製造既，食落口有少少酵母味。外面焗過有d乾身，中間就有果乾係度增加口感同甜味。Omaha Prime Grade Beef Rib Eye Steak (10oz)肉唔算太大塊/太細塊，而肉同脂肪既比例唔錯，帶有少少脂肪增加肉既香甜味。肉咬落冧身，而且有種入口會溶既口感，除左肉質原本唔錯之外，我諗廚師控制火候都有咁上下功夫👍🏻附上牛肉醬汁、Mustard、鹽
Diletto係尖東站門外，直行10秒就到，佢位於大廈既2樓，行一條夠哂氣派既樓梯，就可以入到呢間餐廳架啦😛
樓梯兩邊都有d鏡，加上光線互相折射，感覺好似一條時光隧道咁，去左第二個世界。
人地話係鬧市中既秘密花園，真係去過先感受到。餐廳既空間感好大，座位同座位之間唔會好密，仲有好多花草做裝飾，做客人既我覺得好舒適、猶如去左一個花園咁😍
呢度有落地大玻璃可以睇到外面，天花板既燈飾都好似樹枝咁，成個裝潢都好一致。
餐牌由於我同朋友兩個人都唔係太肚餓，所以無叫Dinner Set，叫左一份主菜同一個意粉。
一黎就上左餐包先，餐包似係自己製造既，食落口有少少酵母味。外面焗過有d乾身，中間就有果乾係度增加口感同甜味。
Omaha Prime Grade Beef Rib Eye Steak (10oz)
肉唔算太大塊/太細塊，而肉同脂肪既比例唔錯，帶有少少脂肪增加肉既香甜味。肉咬落冧身，而且有種入口會溶既口感，除左肉質原本唔錯之外，我諗廚師控制火候都有咁上下功夫👍🏻
附上牛肉醬汁、Mustard、鹽（本人最愛😍）
Carbonara Spaghetti
之後呢碟意粉就同外面食到既有少少唔同啦，唔會用卡邦尼醬或者狂加忌廉去製造口感或味道，反而用左蛋黃去增加意粉香味，混埋上面既蛋同餅，增加口感之餘仲有咸味添。呢種就係正宗既卡邦尼意粉😛
食密黎左張甜品餐牌，見到就口痕痕，嗌左呢份特別既甜品。
Apple Cheese Mousse
With Sea Salt Toffee and Crispy Crumble
外面成個青蘋果咁，配上一條蘋果酥，成個甜品既裝飾都好別緻。
甜品入面分開四層，第一層係有蘋果味既jelly，第二層係白朱古力，第三層apple cheese mousse, 第四層就係蘋果果肉。睇落都已經覺得豐富，當然食完都唔失望，甜品唔會太甜，反而有種清新既感覺😋Diletto係一間俾你享受食物既餐廳，雖然價錢唔會太平，但絕對令你滿意。🥰
Post
