凱豐美食坊海南雞專門店

Open Now

Now Closed

元朗有一間海南雞小店，其實佢哋最初叫凱悅，但因為同某大型酒店撞名，仲收到律師信要求改名，就算改同音名都唔得，最後先改咗凱豐。聽完呢個故事，真係覺得小店經營唔容易，但更加欣賞老闆對食物質素嘅堅持 💪🏻 🐔 招牌無骨海南雞飯 講到海南雞，佢哋嘅雞全部都去骨，啖啖肉，皮薄又唔肥，配埋自家製葱油，已經夠鮮味！重點係，佢哋嘅雞隻係自家農場出品，無激素、每日冰鮮運港～ 而且呢度每碟雞飯都必定有雞髀位，老闆話：「想每個客人都食得開心！」😋 🍚 配飯方面，佢哋嘅黃薑飯，用黃薑、椰奶、香茅煮成，粒粒分明！如果鐘意食原味，可以揀白飯。🦆 鹽水加積鴨飯 除咗海南雞，佢哋嘅鹽水鴨都值得試！鴨肉係嚟自海南加積鎮，皮薄油脂香，肉質嫩滑冇羶味，仲有自家製酸甜汁，食落開胃～ 🍗 小食蜜糖雞翼、瓣醬豆腐 雞翼炸得外脆內嫩，搽上一層蜜糖，香甜惹味，灑埋芝麻，咬落仲有肉汁！豆腐外層炸得香脆，點埋豆瓣醬，鹹香又帶少少辣，夠惹味～ 🥣 每日靚湯 紫菜湯係用雞骨熬製五六個鐘，冇加味精，飲落清甜又暖胃～ 湯入面仲有肉碎同紫菜絲，尤其適合秋冬飲，一啖湯一啖飯，超滿足 ❤️ ☕ 冷熱飲品 佢哋嘅熱生薑柑桔蜜，用新鮮薑絲加柑桔蜜，飲落暖胃