Video
Read full review
2008-07-12
53 views
尋晚從上海返港，老婆黎接機順便去機場潮樓食飯，貪佢無人易搵位。果然，晚飯想食潮樓，機場實有位，但係生意算唔錯，起碼卡位坐晒。坐落，又係無潮洲鐵觀音飲，而家D 潮洲菜館真係唔得！跟著睇見有個做特價，嘩！唔通借海洋公園犧牲個條國寶做綽頭？$68 就試下先。原來同條國寶完全無關，係蒸蛋白，上面放拆肉龍蝦數件伴蛋黃醬，龍蝦新鮮爽口，正！但蛋黃蛋白比較多，有少少"漏"！另外$38 半條烏頭，都叫抵，個黃豆醬有D 鹹，自已調節點少D，都幾開胃。最後要個鹵水併盤，發覺無鹵水大腸，變左第樣，唔係A華力，B華力，係C華力腸！鹵水司華力腸，第一次食，又得得地bor！唔知係唔係機場多外國人先無大腸呢？其他鵝、豆腐、牛餞鹵水味OK，無乜特別好同唔好。埋單，又係唔會供應潮洲鐵觀音，希望有機會改善下。盛惠$205蚊，價錢合理，如果真係有必要去機場食飯，呢度都食得過！
果然，晚飯想食潮樓，機場實有位，但係生意算唔錯，起碼卡位坐晒。
坐落，又係無潮洲鐵觀音飲，而家D 潮洲菜館真係唔得！跟著睇見有個[白雪尋龍]做特價，嘩！唔通借海洋公園犧牲個條國寶做綽頭？$68 就試下先。
原來同條國寶完全無關，係蒸蛋白，上面放拆肉龍蝦數件伴蛋黃醬，龍蝦新鮮爽口，正！但蛋黃蛋白比較多，有少少"漏"！
另外$38 半條烏頭，都叫抵，個黃豆醬有D 鹹，自已調節點少D，都幾開胃。
最後要個鹵水併盤，發覺無鹵水大腸，變左第樣，唔係A華力，B華力，係C華力腸！鹵水司華力腸，第一次食，又得得地bor！唔知係唔係機場多外國人先無大腸呢？其他鵝、豆腐、牛餞鹵水味OK，無乜特別好同唔好。
埋單，又係唔會供應潮洲鐵觀音，希望有機會改善下。盛惠$205蚊，價錢合理，如果真係有必要去機場食飯，呢度都食得過！
Post
