樓下冰室 (Closed)

樓下冰室真係好食🤘🏻平民首選，平靚正。先講個台式肉燥煎蛋飯，雖然隻蛋對我而言有dd overcook，但配埋肉燥同咸酸菜真係好夾，全部撈埋一齊好鬼好食，午市推介仲有必試的瑞士雞脾，好大隻，層皮好薄，無乜脂肪，但d肉好嫩滑好juicy，好入味，食過幾次水準都能保持好好，真係必食無走雞。另外都叫左招牌蕃茄濃湯螺絲粉（配炒滑蛋加牛肉），中規中矩啦，啖湯很不錯，唔似罐頭湯，其他都唔錯，份量幾足另外仲貪得意叫左麻辣脆雞粒，好惹味辣辣地，肉質滑又唔會好多粉，有d似KFC d雞粒，但都好多粒野飲叫左幾健康既話梅柑桔蜜，唔錯，飲完喉嚨無咁痛，甘甘地，仲有粒核，真材實料價格好抵食，上菜都快。