樓下冰室 (Closed)

年近歲晚工作非常繁忙，於是和拍檔到附近醫吓個五藏廟才回公司搏殺，見到樓下冰室個餐牌都好啱我哋嘅條件，價錢實惠，又不需要花太多時間，呢個都好配合我哋。我叫咗一個牛肉蕃茄濃湯通粉配牛乳炒蛋加瑞士雞翼$56。蕃茄濃湯夠香甜，，零舍醒胃，牛肉肉質豐富多汁，炒蛋有極濃嘅牛乳味滑捋捋，更優勝仲可以配兩隻肥嘟嘟大大件嘅瑞士雞翼，這個汁液調配得頂呱呱，呢個餐食得好豐足。，我拍檔叫咗一個葡國辣沙甸魚燴螺絲粉＄48。份量同樣大size，有豐富嘅鮮茄汁配上辣味沙甸魚，非常開胃，螺絲粉煮得非常爽滑，盡收鮮茄汁同沙甸魚嘅精華好惹味。，餐後我倆加配兩款飲料。新鮮菠蘿冰＄22套餐＋$11。用新鮮嘅菠蘿切粒製成零舍清甜鮮味，不同別家用罐頭菠蘿嘅相提並論。檸檬菜蜜＄18套餐+$8。大大片嘅檸檬，飲得出係優質嘅食材，香氣零舍清爽配上甜潤嘅菜蜜，呢個咁乾燥嘅天時最啱飲。