Video
Read full review
2017-12-05
13 views
今日開ot 收左工都成九點鐘，同朋友去搵間餐廳諗住食下宵夜，飲下清酒。我地係銅鑼灣行左陣見OpenRice 話依間好似幾好就上黎試下！入到去裝潢唔算係好高級，但睇得出係有心思，成個感覺好warm!我地入座個陣2130都未算多人。但去到撘九到就開始多！一坐低第一時間叫返枝清酒先！心之清酒 300ml ($148) 入口都唔錯。 之後就叫大量野食啦！第一味叫左個黑椒鐵板豬手($88)咁大碟豬手都係88蚊，仲要係鐵板上，真係超值！豬手夠林，有油香，亦唔會話太多脂肪。好食。之後就叫左個牛肉壽喜鍋($108)牛肉份量唔少，最正係配菜夠多！壽喜燒湯底吸曬牛肉既精華，再將佢地煮入配菜入面。所有菇都有好濃既牛味同湯底既甜味！正！跟住見佢有個叫刺身串串好似幾得意，就每樣叫一串黎試下！黑松露帆立貝($48)三文魚($38)吞拿魚（$38)三文魚同吞拿魚都幾好但冇乜特別，最特別係個帆立貝！松露味同帆立貝好夾，帆立貝亦夠曬鮮味！正！之後叫左個螢光尤魚($68)雖然得6舊，但都超值！每隻都夠大，咬落去仲會係口入面爆一股海水味出黎！好似置身海洋一樣！因為叫太多野食所以一次過影幾樣！首先講下個脆脆吞拿魚腩卷($68
入到去裝潢唔算係好高級，但睇得出係有心思，成個感覺好warm!我地入座個陣2130都未算多人。但去到撘九到就開始多！
一坐低第一時間叫返枝清酒先！心之清酒 300ml ($148) 入口都唔錯。
之後就叫大量野食啦！第一味叫左個黑椒鐵板豬手($88)
咁大碟豬手都係88蚊，仲要係鐵板上，真係超值！豬手夠林，有油香，亦唔會話太多脂肪。好食。
之後就叫左個牛肉壽喜鍋($108)
牛肉份量唔少，最正係配菜夠多！壽喜燒湯底吸曬牛肉既精華，再將佢地煮入配菜入面。所有菇都有好濃既牛味同湯底既甜味！正！
跟住見佢有個叫刺身串串好似幾得意，就每樣叫一串黎試下！黑松露帆立貝($48)三文魚($38)吞拿魚（$38)
三文魚同吞拿魚都幾好但冇乜特別，最特別係個帆立貝！松露味同帆立貝好夾，帆立貝亦夠曬鮮味！正！
之後叫左個螢光尤魚($68)
雖然得6舊，但都超值！每隻都夠大，咬落去仲會係口入面爆一股海水味出黎！好似置身海洋一樣！
因為叫太多野食所以一次過影幾樣！
首先講下個脆脆吞拿魚腩卷($68)
有吞拿魚蓉、蟹籽、仲有好多炸粒令口感好豐富！又夠曬鮮味，好食！
仲有個心之蛋卷($88)
蛋唔會太老，入面仲有流心芝士！正！
厚燒牛舌心($58)
牛舌好彈牙，又唔會太蘇，燒到岩岩熟又夠蕉味，正！
最後就係火焰鐵板牛柳粒($88)
牛枊夠林同夠香，依個菜式唔洗多講，淨係睇佢依個火都抵！
Post
