Video
Read full review
2021-01-25
9998 views
❀ 君悅酒店 茶園 #灣仔 ❀❗️榮升心目中第一位 大推極度高質下午茶❗️——————————————————位於君悅酒店內嘅Tiffin茶園一向深受好評，疫情期間佢哋嘅外賣下午茶更吸引咗唔少人❤️適逢朋友生日，特登訂咗個下午茶同佢一齊慶祝，果然高質到冇得頂，無論係鹹點甜點鬆餅冇一伏位，係我食過最高質嘅下午茶🥰。.喺網上打君悅酒店下午茶就會搵到個訂購網站，早一日落訂就就可以喺第二日12:00至5:00攞到✨因為今次係外賣，所以就未有機會喺tiffin坐低感受，但係一行入君悅酒店就已經俾佢古典優雅嘅裝修所吸引😍亦遠望到tiffin內有落地大玻璃可以望到園景，而且仲有Iive band，真係好想坐低堂食！.為咗安慰自己，所以特登仔細比較外賣同堂食嘅分別。價錢上面當然外賣平啲 $438/2，平均每日$219/1，而堂食平日都要$298/1，假日更加要$328/1，仲未計加一。不過食物方面，堂食嘅特別之處係有任食嘅自家製雪糕、窩夫、crepe、生果、petite four，另外仲多兩款鹹點🤯加埋個靚景，同埋五星級酒店嘅服務，仲有現場伴奏，其實內心都仲係覺得堂食應該會更加正🥲不過好在外賣水準都好高，食
❗️榮升心目中第一位 大推極度高質下午茶❗️
——————————————————
位於君悅酒店內嘅Tiffin茶園一向深受好評，疫情期間佢哋嘅外賣下午茶更吸引咗唔少人❤️適逢朋友生日，特登訂咗個下午茶同佢一齊慶祝，果然高質到冇得頂，無論係鹹點甜點鬆餅冇一伏位，係我食過最高質嘅下午茶🥰。
.
喺網上打君悅酒店下午茶就會搵到個訂購網站，早一日落訂就就可以喺第二日12:00至5:00攞到✨因為今次係外賣，所以就未有機會喺tiffin坐低感受，但係一行入君悅酒店就已經俾佢古典優雅嘅裝修所吸引😍亦遠望到tiffin內有落地大玻璃可以望到園景，而且仲有Iive band，真係好想坐低堂食！
.
為咗安慰自己，所以特登仔細比較外賣同堂食嘅分別。價錢上面當然外賣平啲 $438/2，平均每日$219/1，而堂食平日都要$298/1，假日更加要$328/1，仲未計加一。不過食物方面，堂食嘅特別之處係有任食嘅自家製雪糕、窩夫、crepe、生果、petite four，另外仲多兩款鹹點🤯加埋個靚景，同埋五星級酒店嘅服務，仲有現場伴奏，其實內心都仲係覺得堂食應該會更加正🥲不過好在外賣水準都好高，食物質素完全冇令我失望！
.
✷𝑀𝑒𝓃𝓊✷
☞ Tiffin Afternoon Tea $438/2 (4.6/5)
Tiffin Afternoon Tea Set Takeaway
$438
132 views
2 likes
0 comments
Tiffin Afternoon Tea Set Takeaway
$438
103 views
0 likes
0 comments
Tiffin Afternoon Tea Set Takeaway
$438
154 views
0 likes
0 comments
♥ Scone (Citrus, Plain)
食下午茶當然唔可以少得英式鬆餅🥠！
一共有四個、兩款味道，聽講佢哋嘅伯爵茶英式鬆餅係非常出名，不過好可惜今次嘅下午茶就只有柚子味。
個人認為味道上兩種分別唔算太大，因為柚子味其實只係喺原味加上柚子皮，會略有啲酸味中和牛油嘅油膩，但唔會話特別強烈。
口感偏向dense唔會太油、唔係太酥，牛油味剛好，而中間嗰條痕更加係整得好好，真係用手一滅就開，係一個好標準嘅英式鬆餅👍🏻。
另外會用上三個紙杯分別裝住clotted cream、士多啤梨醬、檸檬醬。
Savoury
27 views
1 likes
0 comments
.
♥ Savoury
✦ 煙三文魚青瓜三文治 檸檬酸忌廉
✦ 鮮蝦及龍蝦潛艇堡 竹炭麵包
✦ 煙燻和牛卷 芥末醬 忌廉芝士
✦ 自家製凍鵝肝 青蘋果啫喱 法式麵包
✦ 芝士火腿牛角包
鹹點嘅造型相對簡單，配搭亦唔算非常新奇，但係味道做得出色😚！
當中有用到三文治、竹炭麵包，新鮮攞到返屋企食全部都好鬆軟，即使隔一日再食，都冇太大問題。
而牛角包🥐就當然即日食最好，不過因為一日食唔晒兩個，第二朝再焗返熱個牛角包都好香好酥脆😆而且內裏亦有大量芝士火腿，雖然好普通，但係用上高質素嘅芝士及火腿，鹹香味同牛角包嘅油香非常夾👍🏻。
50 views
0 likes
0 comments
Savoury
32 views
0 likes
0 comments
.
♥ Sweet
✦ 紅桑莓雲呢拿忌廉泡芙
紅桑莓雲呢拿忌廉泡芙
103 views
0 likes
0 comments
✦ 芒果椰子撻
芒果椰子撻
29 views
0 likes
0 comments
✦ 日本煎茶朱古力歌劇院蛋糕
日本煎茶朱古力歌劇院蛋糕
48 views
0 likes
0 comments
✦ 朱古力榛子忌廉餅
朱古力榛子忌廉餅
32 views
0 likes
0 comments
甜品方面就相對精美好多😍！
最最最欣賞係佢每一款甜品都有好多種層次，唔單只外型靚，內裏都非常製作用心 (可以睇返切角面圖)，每次一咬去都發現有好多唔同嘅醬汁爆發出嚟🤩！
而且味道上真係非常高質，好難得食下午茶係冇一款伏甜品，因為好多時候會太甜/生果味太假/茶味一啲都唔突出，但今次呢幾款完全冇呢個問題，甜度剛剛好，連煎茶嘅茶香亦算突出，非常滿意🥳！
.
✦ 柚子棉花糖
✦ 馬卡龍 x2
✦ 松露朱古力
堂食有得任食法式甜點等等，不過外賣就冇。
但佢哋都好好咁送咗四款petite four嘅物體，簡簡單單但係同樣係高水準🥰！
.
♥ Tea
特選茶 (Peppermint tea)
最後每人再送上一個茶包，聽講堂食會俾各種茶葉客人先嗅再揀，但外賣就佢哋幫你挑選🥺。
今次咁啱俾咗我最討厭嘅peppermint，不過嗰陣peppermint的確幾香，相信鍾意嘅人會愛上。
但我都見到有啲人係會收到伯爵茶，所以真係視乎餐廳提供啲咩。
——————————————————
✨整體味道: 4.5/5
✨環境裝修: NA
✨服務態度: NA
✨性價比: 4.3/5
✨再訪興趣: 4/5
.
💞整體來講
係我暫時食過嘅出色嘅下午茶🫖，如果都想嘗試外賣下午茶嘅，我大力推薦呢一間😆只要早一日喺網上預約就已經OK，非常方便。不過真係有少少後悔冇堂食🥲雖然貴啲，但有任食嘅部份，而且可以有靚景同埋服務。
Post
