Video
Read full review
2021-10-12
67 views
疫情後大把假冇訂洗，請左日假屯馬線一日遊，第一站就黎到九龍城食午市omakase，中庸之道揀左 斗 ($680)。海膽豆腐好滑溜，海膽非常鮮甜，唔使點咬就sir咗落肚。梅子湯比想像中好飲好多，唔會係好嗆喉嘅酸味，而係香醇高湯入面滲少少酸，味道好高級好開胃。北海道帶子厚切，好彈牙鮮甜，仲灑咗少少柚子粉，帶一絲清新。深海池魚夠厚實，輕輕燒過突出左油脂嘅甘香。拖羅正常發揮，燒過之後魚油喺口入邊大爆發，估唔到lunch set都會有我平時食omakase最期待既一道菜，開心。生蠔一入口酸汁嘅味道比較出，慢慢蠔嘅鮮味都散發出嚟，雖然唔係好重蠔味嘅品種，但食得出係新鮮嘅，師傅調味成功加分。串揚方面，每一款師傅都會仔細交代配咩醬比較夾。 炸得非常薄同乾爽，尤其鐘意沙椎魚好滑溜juicy，成條連骨都食哂。炸希靈魚都好有驚喜，平時食嘅都有機會有少少腥或者用醋醃咗，呢度係原味勁新鮮完全唔腥，加上厚切又炸得啱啱好，配沙律醬同鰹魚碎，卜卜聲咁咬落去，口感一流。鴨胸係自家製好有誠意，食落似自家製火腿咁厚實，仲唔覺意食到爆汁，肉汁同油脂都夠，食個時要小心d。合肴第一眼望落去以為係白子，原來係煮得岩岩好既龍蝦球，內
海膽豆腐好滑溜，海膽非常鮮甜，唔使點咬就sir咗落肚。
梅子湯比想像中好飲好多，唔會係好嗆喉嘅酸味，而係香醇高湯入面滲少少酸，味道好高級好開胃。
北海道帶子厚切，好彈牙鮮甜，仲灑咗少少柚子粉，帶一絲清新。
深海池魚夠厚實，輕輕燒過突出左油脂嘅甘香。
拖羅正常發揮，燒過之後魚油喺口入邊大爆發，估唔到lunch set都會有我平時食omakase最期待既一道菜，開心。
生蠔一入口酸汁嘅味道比較出，慢慢蠔嘅鮮味都散發出嚟，雖然唔係好重蠔味嘅品種，但食得出係新鮮嘅，師傅調味成功加分。
串揚方面，每一款師傅都會仔細交代配咩醬比較夾。 炸得非常薄同乾爽，尤其鐘意沙椎魚好滑溜juicy，成條連骨都食哂。
炸希靈魚都好有驚喜，平時食嘅都有機會有少少腥或者用醋醃咗，呢度係原味勁新鮮完全唔腥，加上厚切又炸得啱啱好，配沙律醬同鰹魚碎，卜卜聲咁咬落去，口感一流。
鴨胸係自家製好有誠意，食落似自家製火腿咁厚實，仲唔覺意食到爆汁，肉汁同油脂都夠，食個時要小心d。
合肴第一眼望落去以為係白子，原來係煮得岩岩好既龍蝦球，內裡仲係僅僅熟，非常嫩滑鮮甜，連汁都飲埋。
幾欣賞午市時段質素都有返咁上下，日本師傅好熱情咁用英文介紹每一道菜，仲有簡單吹下水，成功去左次偽日本遊。
Post
