至尊滿屋日本料理 (Closed)

喺百老匯睇完戲，肚餓又周圍搵食啦，有時同friend出去食飯諗唔到食啲咩，放題真係一個好好嘅選擇，咩都有得食，啱晒我哋呢啲有選擇困難症嘅港女啦！一坐低就緊係叫返份刺身先啦，係厚切嘅三文魚、北海道帶子壽司好鮮甜、大赤蝦、油甘魚好新鮮啊！咁當然唔少得壽司啦，花之戀、烈火拖羅加州卷、香芒龍蝦沙律卷，當中拖羅卷，個味道特別fresh。海膽手卷炸物嚟講，自己就最鍾意炸芝麻雞翼同埋榴連波波，榴連係流心㗎，正啊！燒物就特別推介，有機燒菠蘿，好juicy好多汁啊。同埋呢度嘅飲品都好多選擇㗎，仲要Hoegaaden都係任飲㗎。最後食返個雪糕就滿足晒啦！