合興

Open Now

Now Closed

記得有個飲食節目講過九龍灣出名食椒鹽粟米，但呢個地方對我黎講好唔就腳。適逢要去九展睇show，睇完好肚餓，就行去啟業邨食宵夜(其實係晚餐黎🤣)。 椒鹽粟米真係好好味，好大碟好多舊，粟米烤得好香又唔會太燶，椒鹽份量恰當，惹味得黎仲食到粟米嘅香甜。 朋友想試吓酸菜魚，姑且一試d魚好多骨，有d腥，個湯ok但唔知點解d魚唔入味。唔推薦。 沙拉骨啖啖肉，味道唔差。但沙律醬太多令到個觀感唔太好，我食之前都撥走左差唔多一半沙律醬都夠味。 其實主力都係為左食椒鹽粟米，其他都係randomly 叫，同埋朋友呢排要戒口唔食得牛同其他海鮮，內臟我都唔好意思叫。所以揀嘅其他野未必係佢地最撚手同最邪惡嘅，有d可惜。希望之後有機會再黎食啦。