Diletto (Closed)

放工去尖同朋友搵食佢話係open rice見到呢個超級多好評既餐廳想試下，就帶我嚟依間Diletto~一入餐廳感覺都幾浪漫悠閒，餐廳樓底很高，坐也很舒服。我同朋友點左個Risotto同pizza.首先嚟咗盤面包，裝飾得好靚，可以自己落橄欖油同黑醋，仲有自家製南瓜蓉。面包焗到微微熱，外層微脆，配合內層既軟綿，同朋友好快食哂！之後到龍蝦Risotto，黎到好驚喜，因為隻龍蝦好大隻，食落蝦肉好彈口同鮮甜，同朋友share食，都啖啖肉，而意大飯煮到軟身而不硬，係我地想要既口感，仲有加左少少魚子豐富口感，而個汁都好香濃creamy！除咗兩個Risotto，我哋仲點左一個鯖魚芝士Pizza，第一次呢款意大利菜，好特別！Pizza薄薄地但好脆身，雖然有芝士，但食落唔會太膩，芝士焗到好香，上面仲鋪左少少蕃茄令個味帶番d fresh既口感，最特別係有一條條小鯖魚，魚比較咸身，但好有海鮮味，整體黎講好特別同好味，推薦試一試！最後我地仲有order咗杯蘋果汁，飲落同平日有少少唔同，味道清新，酸度合適，配埋main course 慢慢食同傾計，好舒服。