星海薈 (利舞臺廣場)

Open Now

Now Closed

今日同朋友黎到萃 #星海薈 ，之前黎既時段都係午市，點心小菜都無令人失望，所以今次就係晚市同朋友黎試下。依家中式酒家既菜式都已經多左好多選擇，又生果又川菜，所以我哋見到都覺得可以試下啲新野。第一個令人驚喜既係隊 #士多啤梨大蝦球 ，平時係出面食開啲蝦班都係「一口蝦」，但今次呢隻都真係幾大下。醬汁酸酸甜甜幾特別，真係有淡淡既士多啤梨香味，同平時食開既咕嚕系列相比呢個係會帶甜的。另外，川菜都係我同朋友的最愛。但係平時食開都唔會用龍躉，所以今次都係滿有期望的，估唔到黎到係咁大盤，真係一盤咁黎。我同朋友第一個想念就係，食唔食得曬，真係真材實料，啖啖肉既厚切魚片都份量唔少的。最後叫左幾碗白飯使湯飯，如果淨食應該會覺得咸左啲。乳鴿都係廣東酒家既特色菜，因為太耐無食，都係無令人失望，外脆內軟仲好juicy 的，記得趁熱食!最後晚市送上既馬蹄露都十分回味。