Video
Read full review
2019-02-22
165 views
訂左平日兩位一點唻到既時候 訂同一時間既四張枱都係門口等緊等左15分鐘都冇人出唻解釋一問之下 女侍應話要等到啲枱埋單 先可以安排入座侍應又冇講幾時會有枱 即係要訂左枱既客人無了期地等店內有標明用餐時間係60分鐘 但女侍應冇要求店內客人準時埋單 由得訂左位既客人白等訂左枱既客人投訴既時候 女侍應話: 中環係咁架啦!(咁既服務態度 👏👏👏👏👏)有個客人回應: "唔係啊 中環唔係咁架" 然後好型咁走左 🙌結果起碼等左25分鐘 要到有客人見到有兩位離開左餐廳 問女侍應點解唔俾訂兩位既客人入座 個女侍應先恍然大悟 安排俾客人坐低兩個人坐低係四個空位既吧位餐牌都未睇完 女侍應就叫我地轉去二人枱 俾個吧位訂左三位既人坐但其實一路都係有二人枱咁點解唔安排得好啲 諗清楚點樣善用餐枱先叫客人坐低?點菜既時候 揀左既餐冇哂但女侍應係俾餐牌既時候完全冇講過邊啲餐已經冇要客人真係揀既時候先知冇 然後又要客人花時間再諗點完菜第二次 女侍應喺5分鐘之後先番唻又話冇哂究竟中間個5分鐘佢做左咩?女侍應經常優先處理後來既要求 例如: A先要求點菜 但佢就要A等 然後B先話加茶 但佢就加哂茶先番唻A枱成間餐廳既服務流程非常
訂左平日兩位一點
唻到既時候 訂同一時間既四張枱都係門口等緊
等左15分鐘都冇人出唻解釋
一問之下 女侍應話要等到啲枱埋單 先可以安排入座
侍應又冇講幾時會有枱 即係要訂左枱既客人無了期地等
店內有標明用餐時間係60分鐘
但女侍應冇要求店內客人準時埋單 由得訂左位既客人白等
訂左枱既客人投訴既時候 女侍應話: 中環係咁架啦!
(咁既服務態度 👏👏👏👏👏)
有個客人回應: "唔係啊 中環唔係咁架" 然後好型咁走左 🙌
結果起碼等左25分鐘
要到有客人見到有兩位離開左餐廳 問女侍應點解唔俾訂兩位既客人入座 個女侍應先恍然大悟 安排俾客人坐低
兩個人坐低係四個空位既吧位
餐牌都未睇完 女侍應就叫我地轉去二人枱 俾個吧位訂左三位既人坐
但其實一路都係有二人枱
咁點解唔安排得好啲 諗清楚點樣善用餐枱先叫客人坐低?
點菜既時候 揀左既餐冇哂
但女侍應係俾餐牌既時候完全冇講過邊啲餐已經冇
要客人真係揀既時候先知冇 然後又要客人花時間再諗
點完菜第二次 女侍應喺5分鐘之後先番唻又話冇哂
究竟中間個5分鐘佢做左咩?
女侍應經常優先處理後來既要求
例如: A先要求點菜 但佢就要A等 然後B先話加茶 但佢就加哂茶先番唻A枱
成間餐廳既服務流程非常冇效率
總結: 女侍應各方面表現 差到令人想買起間餐廳唻炒左佢
如果你好多時間俾人嘥 又想訓練自己容人之量 不妨一試 👍
[食物]
真係一般
飯唔係日本米 冇咬口 唔煙韌 唔特別
魚生唔差 但真係算唔上好
份量可以嘅
但如果你重質唔重量 咁就無謂專登去刺激自己啦
中環番工唔夠壓力咩 🤷
Post