S2 Kitchen

618
24
53
6-min walk from Exit C, Hong Kong MTR Station continue reading
Telephone
28858803
Introduction
S2 Kitchen is a Japanese restaurant that serves fresh daily seafods. Some of their signature dises include uni oysters and ten layered seafood and uni cup. continue reading
Opening Hours
Today
12:00 - 22:30
Mon - Fri
12:00 - 22:30
Sat
13:00 - 00:00
Sun
12:00 - 22:30
Public Holiday
12:00 - 22:30
Payment Methods
Visa Master AlipayHK Alipay Cash AE UnionPay
Number of Seats
28
Other Info
Online Reservation
Wi-Fi
Alcoholic Drinks
May Bring Your Own Wine Details
Cake-cutting Details
Reward Dining Points
Delivery
10% Service Charge
Spot payment
About
中環日本小店 創新刺身食法
本店大人氣「十層海膽杯」,氣質香檳杯中放有北海道海膽、藍鰭吞拿拖羅、松葉蟹和三文魚子等十層刺身,撈勻入口,一啖食到豐富鮮味!同場還有多款日本刺身、丼飯、鍋物等。丼飯選擇多,「北海道海膽厚切三文魚丼飯」和「拖羅蓉海膽魚子丼飯」都相當受歡迎。熱食方面必試肥美多肉的「原條鰻魚飯」; 還有日本直送「A4和牛壽喜燒」,食得滿足。

About Reward Scheme
Review (735)
Level4 2019-11-29
149 views
星期四的晚上約了朋友到蘭桂坊happy hour, 之後周圍搵食, 諗咗好耐都唔知食咩? 上openrice度睇,附近有間叫做S2 Kitchen好評如潮, 一於入去試下。 店內環境裝修風格似日式居酒屋, 一瞬間好像置身於日本的感覺。 這裏有散叫和廚師發板, 當晚我和朋友每人揀幾款菜式, 首先一定要點返支Sake先, 然後有日本蕃茄野菜沙律, 白酒煮青口, 刺身拼盤,櫻花蝦泡菜炒飯,芝士焗大蝦,炸芝士, 甜品有芝士餅。Sake🍶~ 食日本菜必備。日本蕃茄野菜沙律~ 蕃茄和沙律菜好新鮮, 醬汁調味適中。白酒煮青口~ 白酒味好creamy又濃, 青口粒粒脹卜卜, 冇雪味。刺身拼盤~ 五款刺身都很新鮮, 尤其是蝦肉厚身, 入口鮮甜美味。櫻花蝦泡菜炒飯~ 泡菜炒飯惹味帶微辣, 配上櫻花蝦作裝飾, 令到整碟炒飯視覺效果更加突出。芝士焗大蝦~ 這隻大蝦超多膏, 肉質鮮甜新鮮。炸芝士~ 炸芝士一啖入口有流心效果, 外脆內軟。芝士餅~ 最後食埋芝士餅做甜品, 芝士餅口感結實, 香濃的芝士味,絕對值得一試。S2 Kitchen 係一間有日式風味的居酒屋餐廳, 價錢抵吃, 服務周到,openrice 果然冇介紹錯。 continue reading
(The above review is the personal opinion of a user which does not represent OpenRice's point of view.)
中環石板街,街拍嘅熱選之地,亦係旅遊熱點。兩旁有好多細攤檔,有主攻遊客市嘅紀念品或縫紉用具,今晚就有各款萬聖節嘅節日裝飾品同千其百怪嘅衣飾。行上一級級石級,微微喘著氣之間走到交叉路口,轉入威靈頓街,終於搵到隱身於轉角落樓梯位置嘅「S2 Kitchen」。餐廳座位數量唔多,我地被安排左坐bar枱。餐廳老闆會不時購入特色日本酒。今晚老闆就介紹左一隻口味較清新少甜嘅清酒比我地。清酒十分易入口,入口有淡淡酒香。黑松露薄切油甘魚,不需沾醬油就咁食已好夠味。淡淡嘅黑松露香味令油甘魚嘅鮮味更突出。火炙吞拿魚腩蓉三文魚卷。經過火輕微燒過嘅吞拿魚腩蓉入口半溶,加埋三文魚同埋三文魚子一齊食,味道同口感非常豐富。蘆筍同心卷,爽口嘅露筍包着一層紫菜天婦羅一齊炸,配上明太子沙律醬,味道同口感都一流,高水準之作。燒茄子鴨胸,茄子口感偏硬,同鴨胸一齊燒呢個組合幾新穎。惟有點燒過龍帶輕微濃味。溫泉蛋泡菜炒飯,香辣嘅泡菜用嚟炒飯非常香口惹味,撈埋流心溫泉蛋令米飯嘅口感更香滑。流心芝士年糕,年糕即叫即炸,外脆內軟,中間有滿滿流心嘅芝士。最後食埋個芝士蛋糕,完美作結。 continue reading
(The above review is the personal opinion of a user which does not represent OpenRice's point of view.)
Level4 2019-10-17
952 views
話說我個寶貝🐢🍯呢個月生日,近近地同佢嚟食個日本菜。上網搵到呢間隱世餐廳,咁多讚一定唔會失禮。今晚一於交由廚師發版,你俾乜,我地食心。(其實老細每一道菜都有好認真地同我介紹名,但因為太好食,我掛住食而唔記得晒😅宜家盡記)首先打頭炮嘅係溫泉蛋沙律,佢隻溫泉蛋真係不得了,蛋黃甜甜地,同啲沙律醋都好夾,入邊仲加左唔常見嘅海葡萄。第二道前菜係三文魚卷,中間嘅係青瓜,三文魚新,青瓜爽脆,加埋一齊咪就係fresh囉。第三樣係櫻花吞拿魚腩卷,呢個真係不得了中嘅不得了。外層甜甜地,中間吞拿魚腩又滑又香,呢知係最令我印象深刻嘅一道。緊接嘅係黑松露牡丹蝦刺身,個黑松露一攞出唔就好香,另外佢啲三文魚子好似「dor 冷功波」(龍珠)咁脹卜卜,賣相好吸引。然後就係天婦羅冬菇,呢個絕對唔係簡單嘅冬菇,因為佢中間仲釀左啲洋蔥蓉同魚肉落去,口感豐富又多一份鮮甜。之後就係芝麻雞翼,雞翼外層炸到脆卜卜,但內裏又保留肉汁,雞肉依舊係滑嘅。然後就係一個炒飯,先唔好講入邊有咩料,個飯其實好簡單嘅材料,但要炒到粒粒分明粒粒金黃絕對唔簡單,真係好好食,我地食到一粒不剩。最後就係甜品cheesecake,佢攞出嚟俾我地仲係小小微凍但蛋糕唔會好硬,證明佢溫度拿捏得好好,一定係最岩嘅溫度送到你面前。蛋糕唔會太甜,芝士味適中,唔會好膩。最後老闆話要幫我地搵返初戀,而請我地似左杯由一隻要初戀嘅sake調出嚟嘅cocktail,上面仲有啲乾花做點綴。其實呢度好多道菜都可以見到呢隻乾花嘅蹤影,佢係食得嘅,擺入口真係好香花香味。除左花之外,唔難見到粉紅色嘅賣相,確實係初戀嘅感覺。另外,老闆一路播嘅唔係J-pop,而係英文歌,當中仲有我喜愛嘅westlife,cocktail加音樂,老闆嘅品味,我喜歡!而啖初戀出現之前,老闆其實都調左一杯coaktail俾我地,如果最後果杯係初戀,咁我會叫呢杯做激情。因為佢呢個嘅sake底係比較啃啲,再加埋香茅,味道係比較濃嘅。喺中環,不乏連鎖店高級餐廳,但呢種有質素嘅小店卻買少見少。老闆會係大廚嘅同時,會出嚟關心你食得開唔開心,食物岩唔岩食,我覺得呢種真心嘅關懷同了解食客對食物嘅要求,遠比俾錢買服務來得不易。 continue reading
(The above review is the personal opinion of a user which does not represent OpenRice's point of view.)
Level4 2019-10-17
623 views
呢日同朋友慶祝生日,去左一間位於中環嘅日本餐廳。呢間餐廳嘅食物賣相全部都好精緻,而且味道都相當唔錯喔~溫泉蛋沙律沙律菜新鮮爽脆,沙律汁酸酸甜甜,配上溫泉蛋,味道增添左一份香濃嘅感覺。刺身三文魚鮮味爽口,配上海藻同海葡萄一齊食,味道層次就更豐富啦~另外一款魚刺身配上黑松露醬一齊食,味道好香濃。海膽天婦羅第一次食呢道菜,海膽味道都幾鮮甜,外脆內軟嘅口感非常特別。天婦羅壽司卷餡料有吞拿魚腩,所以食落充滿油香味。壽司外層炸得脆脆的,口感層次豐富,好食!吞拿魚碎多士吞拿魚好香,同沙律醬味道好夾,加落多士度一齊食,感覺好特別。柚子烏冬散發出淡淡柚子香味,烏冬軟滑,味道不錯喔!柚子芝士餅味道好清新,口感幼滑,感覺好似食緊雪糕咁,好好食!😻另外值得一讚嘅係老闆會買啲香港好少見嘅酒提供俾客人飲,我地今次飲嘅紫蘇梅子酒味道真係好特別,梅子味好濃郁呀!想同朋友飲返兩杯,品嚐下色香味俱全嘅日式小菜,黎呢間餐廳都係一個唔錯嘅選擇。 continue reading
(The above review is the personal opinion of a user which does not represent OpenRice's point of view.)
呢間隱世日式居酒屋位於不起眼的中環石板街頭,多年前朋友前我來過一次食,覺得佢食物質素好高質,有傳統的日式食物,也有而且師傅即叫即整,如果坐在吧枱的話仲可以看到師傅的製作過程!這裡主要以日本的食物為主,當中也有不少他們自創的款式!楊枝甘露沙律:先來一客沙律,是楊枝甘露沙律,入面加入了大量的青瓜絲及蘋果絲,口感豐富,而且入面加入的柚子肉及芒果,酸酸甜甜的口味,十分開胃,滿足味雷!刺身拼盤:呢盤仙氣十足的刺身拼盤,上碟時時勢十足,入面有3款刺身,分別有帆立貝、牡丹蝦、吞拿魚露天腦天,每款的份量十足,厚切食落啖啖肉,口感豐富,而且刺身鮮味沒有多餘的雪味!大滿足!吞拿魚卷:這款精緻的吞拿魚卷賣相十足,吞拿魚卷內外都有滿滿的吞拿魚溶,上面仲加上了少量海膽及蔥花,將味道層次再次提升~吞拿魚溶鮮味濃郁,壽司飯都是一粒粒的,不錯的!串燒拼盤:除左有刺身壽司等日本菜指的項目之外,當然唔少得居酒屋獨有的串燒,點叫左各款的串燒,左起分別有十勝豚肉、牛舌、雞軟骨、秋葵及冬菇,每款都燒得剛剛好~十勝豚肉入口淋身易咬,牛舌彈牙爽口,而雞軟骨口感豐富~而秋葵及冬菇都燒得不會太乾身,配上燒汁惹味,將平凡的蔬菜變得好吃十倍!海膽黃金燒:這款海膽黃金燒好特別,上面是壽司飯,上面加上了海膽及加上好似沙律汁的,在表面燒了幾下,再配以一片紫菜包住食,口感層次十足豐富,海膽好新鮮唔腥!吉列黑豚:這款吉列黑豚跟我地平時食到的吉列有少少唔同,佢表面包住左一層脆皮,炸得唔會太油膩,入面的黑豚嫩滑易咬開,上面加上了沙律醬及紫菜絲,外脆內軟,很特別!豚肉炒野菜:食得肉多都要食下菜,這碟野菜款式都唔少,加入了豚肉片,嫩滑易咬,味道是偏一點甜的醬汁,幾好食!緑茶蕨餅:最後就有一個日式獨有的甜點就是緑茶蕨餅,綠茶味濃郁,煙煙韌韌口感十足!這餐十分滿足,體整食物都十分高質,各有特色,而且沒有時間限制,同朋友傾計食下野都係唔錯的選擇! continue reading
(The above review is the personal opinion of a user which does not represent OpenRice's point of view.)