Video
Read full review
2007-08-12
10 views
不是東涌沒好茶飲，也不用走到去機場。也不是貪早茶12時前結賬半價的優惠，只是想星期日起來與家人「歎下早茶」。點知......1.國際機場---賓噓的場面個知客水準很差，中英文都講唔正(大陸人)，有個客聽見:「兩位細」，行到去，「唔係，係兩位搭。」個咪又"臣臣地"，D客miss哂number，搞到成批客要哄住個counter驚聽唔到叫自己。(國際機場，真係好肉酸!!)2. 國際機場---要搭個知客分亦分得好差，不斷叫人搭，10人，猛咁塞2人、4人、6人入一張大，搞到8人、10人大的客等到發顛，於是堆左大批客響counter，控制人流非常差。3. 國際機場的服務態度有幾批大客鼓燥，個知客態度真係好差、好無禮貌，從未見過，不但唔搵方法改善，同佢講野，永無睬你，你有你嘈，唔睬、唔望班客，特登同第二個同事講野，對眼又望去第二度，扮聽唔到，撩到班客嬲到爆粗鬧佢，幾乎大打出手。4. 國際機場的管理人才終於叫經理出來，個經理好似舊飯咁，無去理解件事，亦無調停，結果係個知客自己俾人鬧到無面頂唔順叫同事幫手，佢同事就好唔順氣咁接手，之後新接手的禮貌得多，分流亦做得較好，才散了人群。5. 國際機場的效率來了
1.國際機場---賓噓的場面
個知客水準很差，中英文都講唔正(大陸人)，有個客聽見:「兩位細」，行到去，「唔係，係兩位搭。」個咪又"臣臣地"，D客miss哂number，搞到成批客要哄住個counter驚聽唔到叫自己。(國際機場，真係好肉酸!!)
2. 國際機場---要搭
個知客分亦分得好差，不斷叫人搭，10人，猛咁塞2人、4人、6人入一張大，搞到8人、10人大的客等到發顛，於是堆左大批客響counter，控制人流非常差。
3. 國際機場的服務態度
有幾批大客鼓燥，個知客態度真係好差、好無禮貌，從未見過，不但唔搵方法改善，同佢講野，永無睬你，你有你嘈，唔睬、唔望班客，特登同第二個同事講野，對眼又望去第二度，扮聽唔到，撩到班客嬲到爆粗鬧佢，幾乎大打出手。
4. 國際機場的管理人才
終於叫經理出來，個經理好似舊飯咁，無去理解件事，亦無調停，結果係個知客自己俾人鬧到無面頂唔順叫同事幫手，佢同事就好唔順氣咁接手，之後新接手的禮貌得多，分流亦做得較好，才散了人群。
5. 國際機場的效率
來了一碟腸粉外，足足等左45分鐘，才來齊點心。我開始知道點解一直散唔到人群，就係廚房出菜太慢(我估機場餐廳廚房係好細、唔夠爐頭，因為晚飯出菜都係好慢架)，無客走，就俾唔到人，加上個知客分流做得差，機場酒樓亦唔多，所以搞到好亂。(食唔到咁多客就唔好猛咁叫人搭啦!)
6. 歡樂飲食天地
我是10時來到，等到11點入座，11點45分鐘才來齊點心，未食完12點前就要趕住賣單，係要自己排隊賣單，好似食快餐咁，條龍仲好長(咁o既服務，真係唔想俾正價)。
(有個阿伯仲慘，搭車一個鐘、等位一個鐘，等點心一個點，仲有搭番車返屋企一個鐘，總共四個鐘先飲完餐茶!!)
一個星期天，一整個上午，就係咁樣響個又亂又嘈又多怨氣罵聲的地方渡過。你仲會唔會想來這裡飲早茶?!
Post