唐宮小聚 (The L. Place)

Open Now

Now Closed

今晚4月17號(2021)星期六到此吃生日飯，店內環境食物都幾好，仲有香港手工啤點叫。但期間就對此店的服務水準不太滿意。1)漏單 - 找回幫我下單的阿姐詢問；她說剛才張單不是佢入電腦的，是其他同事。2)用膳期間係0次收回膳後的餐碟，要自己將它放到隔離的吉檯。3)出錯order - 試過兩款手工啤(香港啤酒)(大浪灣啤)後；想試埋第三隻(龍脊啤酒)，向同一位阿姐order後，阿姐又上錯咗(香港啤酒)。4)催埋單，正確係逼你埋單(當時只是晚上 9點前)，因為阿姐(又係同一位)已準備好張單和手持拍visa部機行埋嚟講：「啲嘢齊晒未，放便埋埋張單」。佢仲問我係咪會員，我話唔係和怎樣成為會員，但係佢冇講，同時間我見到桌上有兩個QR，問係咪可以立即成為會員和即時有優惠，阿姐答我話：「張單出咗，要去取消㗎喎」，咁我回佢話咁煩麻妳先取消張單，我立即掃QR code 申請成為會員，正在我填緊資料時，阿姐又行埋嚟話：「咁你俾個電話號碼我啦！之後便行開咗」，可能佢覺得我填得太慢阻住佢。總括：此店輸員工。