韓屋

Open Now

Now Closed

最近朋友同我講尖沙嘴有間餐廳好伏，話佢個牛肉湯無味，餃子好細好乾好貴，但我明明之前食過都OK，於是再黎試下睇下係咪變差左。首先我避開左佢叫嘅野lol 咁就一定唔會中伏，我揀左大餃子王、人蔘雞湯、豬肉芝士石鍋飯。有醃蘿蔔做前菜醬油用黎點餃子食我自己就唔太建議人地叫煎餃，我都試過一次真係幾乾身同細隻，所以我就叫餃子王！餃子王只係HK$16隻，叫夠5隻一碟都只係80，同煎餃差不多價錢，但係真係巨型好多！搵食都要有攻略呀！真係好大隻，16蚊隻以韓屋呢度訂價黎講，算平架啦咬開好多菜肉料，其實韓國餃子都幾似中式菜肉餃另外人蔘雞湯原隻雞上，雖然隻雞好細隻，不過好厚肉！Ｄ雞肉煮完湯都唔鞋，真係ＯＫ。我食雞肉時Ｄ骨仲可以咬得碎，咁咪可以補鈣質囉？？？？好正，真係幾好，味道都好重蔘味，好飲呀個湯。另外芝士石鍋飯都好大鍋，勁多飯，撈埋Ｄ甜辣醬+芝士拉哂絲咁好濃郁，甜度ok，辣度欠奉，但整體味道都ＯＫ！不過唔算得上好特別，最特別係大鍋吧，我地兩個人share都唔太食得哂。我諗我朋友係叫左Ｄ性價比唔高嘅單品，如果大家想穩陣Ｄ，叫我呢幾款就無死錯人架啦。