第三站

#cafeeatcovery #旺角eatcovery💡朋友相聚傾計玩boardgames之樓上Cafe💛要搵一間樓上Cafe 唔難，但要搵一間咁有人情味嘅樓上就唔係咁多，今次就搵到間地點方便，又舒適嘅樓上Cafe 🍽 黑松露帶子鮮菌燴意大利飯 一上枱已經聞到好香黑松露味，味道香濃。珍珠帶子食落都幾新鮮，份量都算多，加上上面有啲芝士碎，口感更加豐富。意大利飯亦好有咬口。🍽 蟹肉雜菌忌廉闊條麵蟹肉製成絲鋪滿闊條麵，再加埋有三色椒，食落更加有咬感。忌廉汁滿佈整個闊條麵，好creamy，好正😋🍽蜜糖雞翼每一隻都肥美，蜜糖味好香。同時又帶啲黑椒味，所以食落去唔係整係得甜味。雞翼外皮帶點微脆，肉質很嫩滑，亦都唔會乾身，推介👍🏻🍽 藍莓芝士蛋糕擺盤好細心，芝士蛋糕芝士味濃。cake旁邊仲有一嚿cream，可以因應自己喜好加定唔加。🍽 沙律好新鮮，酸酸甜甜好開胃！🍽 神仙 花茶係由茉莉花、檸檬草、杞子及桂圓肉沖泡而成，味道都幾突出，飲完好舒服，岩曬番左成日工，休息一下，舒緩疲勞。🍽 薄荷朱古力大大杯好抵飲，薄荷好出，而朱古力飲品上面加左忌廉，可以因應自己喜好同店員講幾多。