拉麵來 (Closed)

好掛住以前成日去日本嗰度食拉麵嘅日子。大坑呢度有一間和風拉麵店，朋友嘅推介之下慕名而來。 一入到去就好似置身日本， 有日式經典拉麵店嘅間隔, 四周佈置滿8090年代日本懷舊風格,有漫畫有名勝。雖然舖頭好細，但係比人一種好舒服既感覺。我哋揀咗個坐喺拉麵師傅對面嘅位置坐低。 餐牌好簡單唔算好多選擇，小食亦都唔係好多。 朋友叫咗一款人間限定牛舌牛骨湯拉麵，我就叫咗個黑蒜豚肉拉麵。 除咗拉麵之外我哋都叫咗碟餃子。 等候期間，一直有好多人喺出面排隊就知道佢嘅出名程度。 每兩個位之間都有嗰調味架, 有芝麻昆布醋，高菜同埋蒜頭，比食客可以就住自己嘅口味調味。當中發生咗個小插曲，朋友竟然誤以為尼錯咗嘅豚肉拉麵係牛舌拉麵，好彩我試一試就知道豚肉拉麵。 明明人哋個湯底就超香濃點可能分錯㗎。 終於明白點解咁多人慕名而來，超濃超香,店鋪介紹指呢度嘅湯底都係熬過十個鐘頭以上，得到既精華，係真材實料。 而且配料都好多，有超多嘅木耳。 好遺憾我冇影牛舌拉麵嘅樣， 個湯底真係超香，但就冇其他湯底咁濃， 咁結。最後餃子就覺得麻麻地，冇乜特別。得閒會再嚟幫襯。