181
46
24
10-min walk from Exit A2, Tin Hau MTR Station continue reading
All Branches (2)
Telephone
28084468
Introduction
ラーメン来(Ramen Kureha – 拉麵來)由2010﹣2011年度「全日本拉麵大賽」獲獎日籍拉麵師傅小林宏次駐店。小林師傅將自家製的熬湯配方引進香港,以嚴格挑選的食材製作出味道濃郁的豬骨湯底和雞白湯底。豬骨湯底經過十六小時以上熬製,味道香,湯味亦濃厚特別。除了製湯嚴謹,麵條更是師傅每日在店自家新鮮製作;以日本入口之拉麵機,配以高級日本麵粉製作而成。拉麵每日限量供應,售完即止。 continue reading
Opening Hours
Today
12:00 - 15:45
18:00 - 22:45
Mon - Sat
12:00 - 15:45
18:00 - 22:45
Sun
12:00 - 21:45
Payment Methods
Cash
Other Info
10% Service Charge
Review (260)
日本菜對我黎講,拉麵絕對係數一數二,尤其是係香港,我係有集郵既目標,誓必要食勻係香港既拉麵品牌。經過我一番既資料搜集,知道有間隱世拉麵店「拉麵來」原來曾經以自家創作招牌菜「魂之一杯」,係日本拉麵豚骨組比賽拎過亞軍,我就知道呢間野來頭絕對唔小,但好多人完全未聽過佢個名,睇黎呢間鋪頭嚴重被低估實力呀。店鋪好有日本復古味既特色,牆上掛住好多九十年代既日本兒時玩具、卡通人物、海報,彷彿有種回到過去既風貌,歷久尚新。👇📌土9:火炙芝士波士頓龍蝦蟹味噌雞白湯拉麵 - $168👉因為「魂之一杯」原來有限時製作,所以我揀左呢個「人間限定」,見到有龍蝦即刻衝啦。以蟹味噌雞白湯做湯頭,頭啖入口已經感覺到好濃厚既蟹味,唔會蓋住雞湯本身既鮮味,湯既質地亦都好醇厚,食落唔會好太多油膩感。兩隻龍蝦打孖上,絕對落足料,肉質結實,唔會梅梅爛爛,加埋柔韌彈牙既拉麵,成個配搭可以話係非常抵食!📌土2:溫泉玉子雞汁拌麵 - $82👉第二碗必試既就係呢個拌麵,主要佢既溫泉玉子吸引左,成個拌麵撈勻哂d醬汁,麵條質地比普通湯拉麵會粗身少少,食苟幾有咬口。雞肉嫩滑唔乾身,加埋隻世界級溫泉蛋,連埋一齊食絕對無得輸!📌自家製餃子 - $38👉平時係拉麵店食既餃子好多時,入口都覺得裡面餡料無咁實淨,而且外皮比較腍身。但呢個幾有驚喜,咬落係岩岩新鮮炸起,而且啖啖肉非常滋味。📌炭燒雞翼拌薯仔沙律 - $39👉要大讚既係呢個雞翼係去左骨既,燒得好入味但保留到肉汁,食落唔會乾身仲好嫩滑既口感。加埋沙律幾清新既配搭,我幾鍾意。📌免治雞軟骨串 - $34/2串👉雞軟骨控一定要試呢個免治形式,雞肉裡面索哂醬汁,相當惹味,咬落每啖都有爽脆既口感。📌山葵薑味汽水 - $25👉見到野飲都好有特色,尤其是呢枝薑味汽水,大大啖飲落去,大大啖gur返d氣出黎,好治癒乜野壓力一掃而空,夠哂過癮。 continue reading
(The above review is the personal opinion of a user which does not represent OpenRice's point of view.)
最近多了來大坑吃東西,貪這裡人流不多,環境寧靜,可以讓人放鬆一下緊繃的心情!今晚,就一於吃這裏的排隊「人龍」特式拉麵店吧!店家內掛滿了不少很有童心的兒時懷舊玩具,十分吸晴。好,老朋友相見,先叫兩瓶特色飲品來「干一杯、恭祝友誼」吧!山葵姜味汽水 $25這瓶飲料的base,其實是ginger ale,配方加上 Wasabi 後,本來平平無奇的飲料,頓時變得特別起來。喝下去的感覺是: 薑味仍是最突出的, wasabi味其實真的不太覺。。。 但整體都幾特別, 幾好飲嘅。。。信州蘋果梳打 $25這個 蘋果味道很出 ,但偏甜, 比較兩者我還是喜歡山葵Ginger Ale 多一點!主食當然是要試店家的招牌拉麵:我的選擇 :極上海老吟釀湯麵 $104先試一口湯 ,蝦味強烈、突出, 與其說是湯, 我倒覺得他有一點像 濃縮蝦汁, 十分惹味。 再吃一口麵條, 麵條沾滿了濃濃的蝦汁, 海水味混和海鮮味, 真的超合我的胃口!如果你也想 讓味蕾受一點刺激, 藉此放鬆一下心情, 吃這個拉麵會是一個不錯的選擇!!朋友的選擇:即叫即製的濃厚魚介豚骨拉麵 $98我偷偷吃了朋友的一片豚肉, 瘦肉的份量比較多, 咬下去肉質煙韌有致, 感覺就是適合較崇尚健康的「我們這一代亅! 但如果要我二選一,我還是喜歡蝦湯麵多一點!一場嚟到,我們除了吃麵以外,還點了店家的小食一試,here they are。。。自家製餃子 $38免治雞肉串燒(2串) $34和朋友食飯,幾時都是最開心的!因為可以 暢所欲言,胡說一通!又到飯局的尾聲了, 想起這首舊歌, 很有意思的歌詞啊! 很切合今天晚上的mood。。。。。。🦉How are you my friend ?身邊的或已改變人隨年成熟一點、明理一點但情未變!你的聲音用詞、仍然像你舊時縱使隔別長日子、不減暖意燃亮了我、從未變過,像最初乾一杯、乾一杯、恭祝友誼一開始、一開始、不可再終止。。。明日你我說再會時,彼此心思心意即使不講都心知!!。。。🦉+ ==============================福福郎希望可以寫一些。。。有自我觀點,並非人云亦云的食評 !!也希望和你分享「戀戰中環亅的苦與樂丶貓頭鷹的人生觀丶美食和「金句亅! 有興趣可以按左上角「福福郎的貓頭鷹頭像亅 。。。閱讀/訂閱我的其他 餐廳介紹文章!Relax,and just subscribe! 。。。🦉============================== continue reading
(The above review is the personal opinion of a user which does not represent OpenRice's point of view.)
Level4 2019-08-08
265 views
學生時期嘅我成日都喺大坑蒲頭,差唔多間間都食過,唯獨係呢間拉麵來。而今日心情特別差,因為加班左三個鐘,所以決定同朋友大開食戒,然後就入咗呢間拉麵來。餐廳雖然比較狹窄,但裝潢非常地道,從超人貼紙,海報到玩具都散發濃烈日本懷舊氣息。值得一讚係餐牌,食物嘅圖案同旁邊嘅文字變得卡通化,非常趣緻。餐廳嘅拉麵以金木水火土作為簡寫。不過餐廳做緊兩款人間限定,當然不能錯過。首先我揀咗牛舌牛尾湯拉麵。湯底入面嘅牛骨味幾香濃,而主角既牛舌口感柔嫩,但同時保留牛舌一定嘅嚼勁。筍同蔥分量超多,令拉麵更具風味。麵質方面,餐廳嘅拉麵掛湯能力高,所以食每一啖麵條既同時,都可以品嚐到湯底濃縮既精華。至於朋友叫咗極上海老吟釀拉麵,一上枱就已經聞到陣陣蝦既鮮味,湯頭可謂相當濃郁,海蝦亦非常彈牙。麵條方面,朋友選擇左普通,結果麵條都幾彈牙。朋友加麵就係拉麵好食既證據另外仲叫咗款小食,免治雞軟骨串啖啖肉之餘仲有咬口,表面微焦,不過感覺醬汁同雞軟骨串並冇融合一起。我同朋友見餐廳嘅飲品係出面比較少見,所以叫咗蘋果梳打同山葵薑味汽水。有啲樽裝嘅蘋果梳打味道好似藥水,但呢款完全係真正蘋果甜味,非常討好。至於山葵薑味汽水帶點微辣,辣度冇想像中咁嗆。如果每日返完工都可以食到拉麵來,我真係非常感動。不過財力有限,希望之後每個月都可以嚟食一次啦。 continue reading
(The above review is the personal opinion of a user which does not represent OpenRice's point of view.)
首先講吓「拉麵來」嘅歷史, 「拉麵來」原本來自東京, 2010年曾獲日本拉麵最高權威「魂之一杯」拉麵大賞中豚骨組亞軍。 而小編認識「拉麵來」, 正正就係因為「魂之一杯」,😂 雖然到而家,小編仲未食到(因為weekend太多人排隊,仲要有每日數量限定,所以小編排過好多次都食唔到😫)。 雖然知道旺角開左間分店, 不過小編始終覺得大坑總店最好食!😏 店內裝潢富有日本地道拉麵店嘅特色~ 一入門口,就有長長嘅吧檯, 可以同師傅有近距離嘅接觸, 望住師傅即叫即整,零舍有日本🇯🇵風味! 牆上還掛滿各式各樣日本60、70年代嘅小童玩具,貼滿舊版風格嘅漫畫海報, 令食客仿如置身於日本嘅東京小街。 拉麵來選擇都算多, 有以金、木、水、火、土命名嘅拉麵, 款款都有其獨特之處, 而人間限定係小編第一次見, 所以就即管試下係咪好味到來回地獄又折返人間嘅拉麵🍜!😂 牛舌牛尾湯拉麵($108) 食拉麵🍜第一件事梗係要飲湯先! 牛尾湯好清甜, 入口感覺幾清新,又唔會太油膩, 麵條方面,係師傅每日自家新鮮製作, 幼麵麵身彈牙,軟硬適中, 牛舌雖然唔係厚切, 但口感十足,肉香有嚼勁!☺️ 配菜香筍清甜爽脆, 小編仲加左一隻日本溏心蛋(味付), 蛋黃呈半熟流心狀,蛋香濃郁,正!🌟推薦❗️ 濃厚魚介豚骨湯麵($98) 鹹鮮湯頭有着香濃嘅柴魚香, 湯底濃稠, 搭配掛湯彈牙嘅幼麵,啖啖滋味!😋 日式叉燒肥瘦適中, 配料木耳和額外加嘅香筍吸湯,好味道!👍🏻 鹿兒島豬軟骨($38) 豬軟骨炆得軟腍入味, 用特調嘅味醂汁調味過,入口香甜, 旁邊還配上芥末醬,惹味得很,佐酒一流! 自家製餃子(五隻)($38) 餃子皮薄, 菜和肉嘅比例剛好, 不會太寡還太油膩,值得一試! continue reading
(The above review is the personal opinion of a user which does not represent OpenRice's point of view.)
Level4 2019-06-29
173 views
當天后食街吃到很沒新意的時候,在天后站大約步行5分鐘有另一美食後花園—它就是大坑。或者大坑已沒有從前的繁華,一間間被丟空的鋪加添了一份傷逝。卡米拉已經有一段時間沒有來大坑,始終在不遠處的銅鑼灣有更多選擇。平日在急促的腳步走著,能有一瞬間的寧靜實在難能可貴。是晚來到浣沙街的拉麵來,也是距離天后比較近的其中一間食肆。店內新加了一些比較特別的拉麵,例如牛舌牛尾拉麵。裝潢方面還是貼上一張一張的日本海報,座位是一字排開。卡米拉還是喜歡傳統的,最後點的是金:原味豚骨湯麵 ($82),麵本身包括义燒2片、木耳、青蔥及紫菜。卡米拉另外追加了木耳($7)、粟米 ($12)、日式糖心蛋($17)及火炙义燒 ($25)。家人點了火:激辛火藥玉豚骨湯麵 ($96)辣度足夠,很惹味。拉麵豬骨湯底濃郁,麵的掛湯度很高,也有彈牙口感。糖心蛋的流心效果呈半凝固狀態,味淋味道份量也恰到好處。跟麵的义燒味道較淡,而火炙义燒配上醬汁,味道較濃,燒後的口感會比較硬身。飲品方面,我們分別點了蘋果梳打及山葵姜味汽水(各$25)。蘋果梳打顯現信州蘋果的微酸感及果香,口感清新。山葵汽水帶微辣。 continue reading
(The above review is the personal opinion of a user which does not represent OpenRice's point of view.)