Read full review
2016-11-14
107 views
估唔到鬧市裡面都有呢種世外桃源,好似去咗首爾啲文青韓食店,裡面有木系嘅枱枱櫈櫈,仲有啲鎢絲燈掛上天花,好清新嘅感覺。呢度食炸雞反而係次要,最重要點吓個手握飯糰,事關有OPPA喺面前即席整,真係嚟自韓國嘅OPPA!呢碟飯除咗飯,仲有紫菜碎同大量蟹籽。OPPA用佢溫暖嘅手(戴上手套)混合所有材料,然後整成大小一樣嘅飯波,口感唔會死死實實。可能材料新鮮嘅關係,飯波都有啲脆脆地。嚟到炸雞,睇佢地menu話啲雞要48小時醃製,準備同上菜工夫都做到好足咁,話啲雞係用薄粉炸,真係薄到見唔到。叫咗半半炸雞,一半係葱絲炸雞,另一半係辣醬炸雞。辣醬仲有5級辣道可以揀,就算點咗最低嘅bb辣,個人覺得都已經辣到飛起,果種辣係有後勁,先先會甜甜地少少辣,結果越食越辣,要點一點葱絲炸雞啲蜜糖中和返先得!至於雞嘅肉地較乾身,少少鞋。唔係好夠飽,叫埋個韓式蛋卷,份量都幾大份,啱3-4個人食,因為食得多會覺得膩同埋覺得味道單一而唔想食咁多。所以幾時都話,淺嚐幾時都好。講返蛋卷,蛋味好香,入面會有少許嘅芝士同蟹籽,味道尚可。上面仲有啲蕃茄汁提吓味。如果想見到OPPA多幾面,可以喺呢度搞埋生日會,佢地會捧上生日蛋糕,唱埋生
Post