Pizza Max Bistro

Open Now

Now Closed

今日假期專登去佐敦，好想食返之前食嘅嗰間多國菜，好掛住佢嗰個咖喱薄餅，同埋餐廳有個落地玻璃門對住條街咁樣食嘢好寫意，於是就一支公走咗去食。叫左呢一個咖喱雞配薄餅$62仲有一杯凍奶茶,仲要唔收+1服務費同埋凍飲唔使加錢。凍奶茶比港式奶茶淡少少，但係比細食奶茶濃啲，茶味都夠。到餐館有一個餐湯，今日係蘑菇湯，雖然比較淡少套餐款有一個餐湯，今日係蘑菇湯，雖然比較稀少少，但係蘑菇味都好濃郁。到主菜出場，有一碗咖喱雞，係深橙色，再加4塊薄餅，仲有一塊好薄嘅碎片。呢度嘅咖喱雞唔會好流，咖喱味好香，亦都夠辣。而薄餅方面唔會好油膩，因為有啲餐廳嘅薄餅係加咗好多油，但係呢一間嘅薄餅就冇，同埋佢嘅薄餅有一種麵粉嘅甜味，所以食多多唔會覺得飽，呢個係我鍾意食佢嘅餐廳嘅原因。