120
5
1
5-min walk from Exit C2, Jordan MTR Station continue reading
Telephone
34855547
Opening Hours
Today
11:00 - 23:00
Mon - Sun
11:00 - 23:00
Payment Method
Cash Alipay AlipayHK
Number of Seats
40
Other Info
Online Reservation
Alcoholic Drinks
May Bring Your Own Wine Details
Cake-cutting Details
Phone Reservation
10% Service Charge
Spot payment
About Reward Scheme
Review (130)
Happy Friday,就梗係食我中意既PIZZA啦😌~~ 揀左好耐,最後揀左呢間印度Fusion菜,除左因為其好評多外,仲因為選擇多🤤。晚上6點零去到,當時全場只得一枱食客,所以出餐好快。臨近聖誕,餐廳已經佈置左唔少聖誕裝飾,聖誕氣氛濃厚😀。呢度供應多款酒類,最岩飲酒吹水既朋友,不過我唔太好酒,所以就無試到。餐廳除左一般既印度咖哩、薄餅、炸物小食外,仲有沙律、意粉、飯、連西式扒類都有提供,款式多但質素好唔好就真係試過先知。先黎一款前菜 – 墨西哥脆片 $105呢個真係吹水必點之物,大大份,食極都仲有,感覺食左一大包「D」字頭墨西哥脆卡咁😆。脆片上除左有拉絲芝士外,仲有酸忌廉、牛油果醬、莎莎醬,個人比較中意帶有草青味既牛油果醬😋,食起來夠清新,又無咁溜。雖然價錢有少少貴,但睇得出其用心之處,連碟都熱辣辣,所以即使放左一段時間但仍能拉絲。小食 – 炸雞翼6隻 $70雖然話係雞翼,但實質係雞搥仔,真係岩哂我呢D唔中意食翼既人😍。餐廳仲要細心到每隻搥都卷一層錫紙,避免食客整污糟手指,抵讚!!雞搥炸粉好薄好薄,而且炸到非常酥脆。其賣相雖然好紅,令人誤以為佢好重口味,但其實食落無乜調味料味,肉質以脾位黎講,有少少鞋🤔。炸雞配兩款醬,一款係薄荷醬,另一款係酸辣醬,而且都真係幾辣下。個人比較中意薄荷醬,食落唔會太刺激,而且比較有印度味。主食 – 印度薄餅 M Size $149上網見到有唔少人都大讚呢款PIZZA好味,所以一早已經決定試佢。餡料有鮮嫩印度烤雞、洋蔥、甜椒、蘑菇、薄荷沙律醬。無可否認呢款PIZZA的確用料豐富,上枱時其賣相亦相當唔錯,而且香氣撲鼻,令人垂液三尺🤤。加上熱辣辣、拉絲芝士、香脆批邊、各款配料都配搭得好好,而且加入烤雞同薄荷沙律醬後,極俱印度味😋。本身一切都好好,只可惜配料、醬汁太多太濕,令批底變軟偏濕,缺乏左薄餅既香脆特點。如果期望食到脆底PIZZA既朋友,一定大感失望;但倘若怕食乾PIZZA既朋友,呢款PIZZA就完全無呢個問題。不過本人同朋友都係前者之人,所以有少許失望,若多料之餘又有脆底,就perfect啦今次用餐體驗唔錯,職員有禮、有笑容、主動,食物上既小細節都做得唔錯,連水都係溫暖既檸檬暖水。不過網上其他食客既11月份餐牌同我睇既12月份餐牌,每款食物已經加左$10,未到新一年就咁快加價….唯有當比加一服務費啦(因為餐廳無加一)。 continue reading
(The above review is the personal opinion of an user which does not represent OpenRice's point of view.)
今晚和同事來佐敦辦公事,在上海街行行下,突然發現呢間食多國菜的餐廳,適逢又到dinner time, 個肚仔有D餓,一於就揀呢間la!餐廳充滿異國風情,牆上的掛飾和畫也別具風格,情調不錯細看menu, 原來是多國菜餐廳花多眼亂,真是樣樣都想試下頭盤starters有墨西哥脆片,香辣炸角,鲜鱿魚圈,特製醬雞餃等特式食品沙律有亞洲雞沙律,泰式木瓜沙律,希臘沙律,卡不里沙律等pizza種類更豐富,分健康素食薄餅,意大利薄餅,印度薄餅,還可以自選配料製作自己心愛的pizza, 幾特别咖喱類有咖喱雞,羊扒,海鮮和蔬菜類以供選揀,再配以印度烤餅食用Caprese salad卡不里沙律~ 最主要由 fresh Mozzarella Cheese水牛芝士,蕃茄,羅勒配以Extra Virgin Olive oil 初榨橄欖油和鹽, 由於水牛芝士是新鮮芝士,所以食法越簡單越好,這樣才可吃出原汁原味, 水牛芝士外表雪白,有著淡淡幽雅的乳香味, 蕃茄切成薄片與香草醬 和橄欖油一起食用已是最清新可口的經典沙律由於水牛芝士含有豐富的蛋白質,維他命和鈣 ,容易消化,一口氣吃三四件也不覺腻滯,我和朋友均覺得這裹的水牛芝士是我們吃過最美味的印度薄餅~在眾多薄餅中揀選了印度薄餅的原因是好奇和未試過, 餡料有印度烤雞,洋蔥,甜椒,蘑菇 ,水牛芝士配薄荷沙律醬,看似不太特別,但卻給你意外驚喜印度烤雞微辣而嫩滑,脆薄的餅底上鋪滿所有餡料,重點是超多蕃茄醬,mix埋水牛芝士和薄荷沙律醬,甜甜酸酸辣辣 共冶一爐,十分juicy和惹味唯一美中不足是我沒有加$40另外再加水牛芝士,因為之前知道這裏的水牛芝士是那麽美味,下次我一定要加啊!mango smoothie~用新鮮杧果,ice -cream, milk和yogurt mixed 埋一齊,好fresh, 好好味fruit punch~酸酸甜甜好開胃 continue reading
(The above review is the personal opinion of an user which does not represent OpenRice's point of view.)
Level4 2018-10-20
476 views
今次食左一間好特別嘅餐廳 有我好耐冇食既印度菜 仲有其他西餐等等餐廳環境好舒適 裝潢好精緻 燈光微暗 播住音樂 好有情調 可以好放鬆咁享受晚餐見到隔離枱食呢個墨西哥脆片 好大份又可以拉到芝士 好吸引 所以我哋梗係都試吓啦味道真係唔錯㗎 上面仲有啲酸忌廉醬 酸酸地 又係另一番風味 不過份量真係好大 我哋四個人都食唔曬見到有特色嘅印度Pizza就當然要試下啦。Pizza有兩個size我哋原本擔心唔夠食就叫咗large 14寸但係比想像中大份每人食兩大塊 好飽Pizza 上面有印度烤雞 洋蔥 蘑菇等等嘅配料 好豐富 而且都有少少芝士 都唔錯㗎朋友好想鋸扒就叫左 呢個頂級肉眼扒 我地點左medium rare 出到嚟係啱啱好唔會太熟肉眼扒好juicy 好煙韌 點上醬汁汁真係好夾而其他配菜例如薯仔同埋大啡菇都好好味 尤其是大啡菇配上上面嘅菠菜 真係好夾 好鮮味 好juicy最後當然要試吓印度嘅特色小菜Naan我哋就點左butter naan 另外點左咖喱雞肉butter naan 好香牛油味 熱辣辣 而且口感煙韌好正沾上香濃嘅咖喱汁同樣唔錯而雞肉都好入味 continue reading
(The above review is the personal opinion of an user which does not represent OpenRice's point of view.)
今日朋友帶左我平時好少食既印度餐廳。平時少食既原因都係怕環境唔好,野食唔岩口味。但估唔到呢間餐廳令我對印度菜完全改觀了!✌餐廳令人舒服,播著一啲具有印度風味既純音樂。坐位係闊落,乾淨。有很多特別的裝飾擺設,燈光暗暗地,令人放鬆的感覺。野食都有好多唔同既選擇,都係岩我地既口味。原來印度菜可以咁好味。而且價錢好便宜不用加一!👳特製醬雞餃 🌶有蒸同炸 選擇。我揀左炸😄炸到個外皮好全黃香脆,不會好乾。餃子釀入了很多雞肉碎,係好味,肉汁很多。我就好鐘意佢個特製辣醬,做得辣得黎又香,令到餃子好惹味開胃!👳招牌烤雞 🍗 半份即叫即烤,所以雞皮烤到係好脆卜卜!!唔係翻熱住烤雞令到外皮腍左。隻雞個味道烤到好香,肥廋適中,唔會覺得好鹹同油膩。雞肉都很嫩,尤其雞脾既位置,真係好好味🙂👳意大利千層麵 🎖呢個推薦👍一層一層既麵之間都釀入了好多茄肉醬同好多既芝士牛肉碎,口感非常豐富!酸酸甜甜的味道,調教得好好味!麵質相當之滑,加上濃郁既芝士,食落好creamy好滋味!😋😋😋真係意想不到的好味呀!!😋👍 continue reading
(The above review is the personal opinion of an user which does not represent OpenRice's point of view.)
Level4 2018-10-15
250 views
Pizza Max Bistro 是有印度+意大利+西餐的餐廳,很有特色的組合!餐廳不設加一,值得一讚!Hoegaarden $69 非常大杯! Spicy  Potato  Wedges $45 薯角即叫即炸,熱辣辣,脆卜卜,而且份量有很多!Chicken  Kebab  with Salad $85 以錫紙包起,方便食用,十分細心!Pita Bread 包裹著嫩滑的雞肉,新鮮爽口的蔬菜和美味的醬汁,口感層次豐富,好滋味!Chicken Curry $85 雞肉嫩滑多汁, 咖哩醬汁好重香料味, 味道濃郁, 微辣中又甜甜地, 再配上少少奶油香, 好惹味! 用黎配薄餅食真係好正! 值得一試! Butter Naan $25 油酥香超濃,口感係軟稔中帶點煙韌,淨食好味,配咖喱汁食就更好!Chocolate  Brownies $69 賣相吸引,Brownies朱古力味濃郁,熱騰騰,香噴噴! 配合雪糕一同享用,一冷一熱,冰火交溶,正! continue reading
(The above review is the personal opinion of an user which does not represent OpenRice's point of view.)