鮨千寿 (tmtplaza Phase 1) (Closed)

生日決定去食日本菜，但屯門好食嘅壽司店較少，最後決定試下呢間。7pm前結帳有9折優惠，早食晚餐嘅比較着數🤣一行三人，6pm入座，食咗一個壽司拼盤、和牛粒炒飯、牛肉烏冬、漬牛蒡、燒飯糰。和牛粒炒飯係意料之外地好食，粒粒分明，有鑊氣，調味恰到好處，口感好好。12件壽司拼盤，價錢其實係略貴(接近400)，但勝在新鮮，三文魚子脹卜卜，好好味。埋單$6XX以下，可以接受。服務有禮唔hard sell，6pm入座冇乜人，桌上有塊小木板寫咗時令魚同推薦嘅小菜。當係慶祝/生日飯的話，可以接受。