Mr. Korea BBQ (Moved) New Location

以前舊式韓燒系無獨立抽風的，呢間每一張台都有抽油煙的，你一路燒一路抽風，甘就無甘勁油煙啦。佢仲會有人代燒的每一張台都有一碟免費生菜，比你包肉黎食，等佢無甘油膩。每人都有自己醬油，醬油裡面有洋蔥，洋蔥有醃製過，爽甜的，你可以就甘食或配燒好的肉食，好夾的。辣五花腩肉有層次，一層薄薄帶爽口豬皮，夾一層豬膏，最後一層瘦肉，咬落輕微辣，爽口唔靭。牛舌：薄切，燒既時候不要燒太內，好快熟，食落口好似食緊爽既牛肉，佢味不太重，所以配反佢既醬油加洋蔥就無得頂扇貝：一碟三隻，算小形size,不過食落好鮮甜的，肉質彈牙。石頭鍋飯：個底好有飯蕉，好脆口，好香口，再配佢既辣醬食輕微辣，帶甜的。牛肋骨重牛味，食落唔靭，當然你都唔可以燒得太老身啦。