Read full review
2020-01-20
595 views
小妹同大部分女仔一樣都鍾意食雪糕,但又怕食得多會肥,於是朋友今次就介紹我試下DAMA的純素雪糕。這裡的純素雪糕不含蛋奶成份,適合對牛奶敏感的朋友仔,雪糕取材自新鮮水果也相對健康,最後我地揀左火龍果同埋榴槤味。紅肉火龍果雪糕味道好fresh,口感比一般雪糕較為實淨而且無咁易溶,食到雪糕入面有一粒粒火龍果核,真喺落足生果落去整。朋友鍾意食榴槤,食完覺得榴槤味好濃郁而且雪糕無添加奶類,所以食落相對清新唔會咁膩。雖然價錢比火龍果味貴少少,但都值得一試!除左人氣大熱嘅雪糕外,呢到嘅小蛋糕賣相都好精緻,所以一口氣試了三款口味。📌DAMA烈焰紅唇蛋糕外形是鮮紅色的紅唇,中間有士多啤梨同蜜桃啫喱,味道酸酸甜甜幾得意。📌茉莉花朱古力慕絲朱古力慕絲口感軟綿滑溜,食落帶清香的茉莉花味,整體味道平衝唔會話太甜。📌栗子燕麥蛋糕面層是奶滑的栗子蓉,入面是鬆軟的燕麥蛋糕,兩者嘅味道都幾夾,比頭先食嘅朱古力蛋糕偏甜少少。朋友因為未食午餐,所以額外叫左個日式芥末豆腐卷食。薄身的餅皮包住新鮮生菜同紅蘿蔔絲等,入面仲有濕潤的豆腐餡,所以食落唔會太乾爭爭。不過芥末嘅味道就唔太特出,比較清淡一啲。
這裡的純素雪糕不含蛋奶成份,適合對牛奶敏感的朋友仔,雪糕取材自新鮮水果也相對健康,最後我地揀左火龍果同埋榴槤味。
紅肉火龍果雪糕味道好fresh,口感比一般雪糕較為實淨而且無咁易溶,食到雪糕入面有一粒粒火龍果核,真喺落足生果落去整。
朋友鍾意食榴槤,食完覺得榴槤味好濃郁而且雪糕無添加奶類,所以食落相對清新唔會咁膩。雖然價錢比火龍果味貴少少,但都值得一試!
除左人氣大熱嘅雪糕外,呢到嘅小蛋糕賣相都好精緻,所以一口氣試了三款口味。
📌DAMA烈焰紅唇蛋糕
外形是鮮紅色的紅唇,中間有士多啤梨同蜜桃啫喱,味道酸酸甜甜幾得意。
📌茉莉花朱古力慕絲
朱古力慕絲口感軟綿滑溜,食落帶清香的茉莉花味,整體味道平衝唔會話太甜。
📌栗子燕麥蛋糕
面層是奶滑的栗子蓉,入面是鬆軟的燕麥蛋糕,兩者嘅味道都幾夾,比頭先食嘅朱古力蛋糕偏甜少少。
朋友因為未食午餐,所以額外叫左個日式芥末豆腐卷食。
薄身的餅皮包住新鮮生菜同紅蘿蔔絲等,入面仲有濕潤的豆腐餡,所以食落唔會太乾爭爭。不過芥末嘅味道就唔太特出,比較清淡一啲。
Post