451
23
3
2-min walk from Exit J, Tsim Sha Tsui / East Tsim Sha Tsui MTR Station continue reading
All Branches (1)
Telephone
95272033
Introduction
As a light food drink shop specializing in healthy eating, the restaurant offers a variety of vegetarian salads, low-sugar cakes, etc. The most popular is the soft ice cream, that isn't consisting of milk and egg. There are two flavors from daily. continue reading
Opening Hours
Today
12:00 - 20:30
Mon - Sun
12:00 - 20:30
Public Holiday
12:00 - 22:00
Public Holiday Eve
12:00 - 22:00
Payment Methods
Visa Master AlipayHK Alipay Cash Octopus AE UnionPay Apple Pay Google Pay WeChat Pay
Other Info
Spot payment
Review (542)
Level4 2021-07-16
268 views
素食可以係近年大熱!今晚就去咗K11 Musea嘅DAMA,食咗個輕量級又滿足嘅純素晚餐🥰◭ 和風紫菜百頁豆腐淮山麵拌(配風紫菜汁+和風沙律汁)醬汁絕對係呢個主菜嘅靈魂,加了醬汁後的百葉豆腐和淮山麵,十分開胃,拌以沙律菜,蘑菇和青豆,令成個主食更豐富和健康。◭ 牛油果燒烤醬素菜卷清新的香草味道,卷物內的牛油果和生菜都好新鮮,食完成個人都fresh哂。◭ 四式迷你雪糕筒 呢款迷你雪糕筒可以試到四款味道😍今晚有三款雪糕味道,分別係開心果,橘子乳酪和榴蓮。👍🏻開心果味道好出色,雪糕香滑又帶香濃開心果👍🏻榴槤味道未食,已經聞到好濃烈榴蓮味,呢款雪糕非常啱榴蓮控,每一啖雪糕好似食緊榴蓮◭ 火龍果雪糕 (杯裝)口感似雪葩,微酸微甜,是不錯的消暑甜品。◭ 雪梨蘋果四季春 ◭ 柚橙凍粒粒 全晚最驚喜嘅係DAMA的水果茶系列,味道天然,不太甜但又能保留生果嘅味道。值得推介!👍🏻👍🏻👍🏻DAMA主食、雪糕及飲品味道達四星水準,推介純素朋友試試👍🏻👍🏻👍🏻加上雪糕味道不定期更新,一定有驚喜帶埋大家🥳 continue reading
(The above review is the personal opinion of a user which does not represent OpenRice's point of view.)
素食不等於Dry!好似K11 Musea嘅DAMA,主打一系列純素雪糕及輕食,唔止健康又美味,食品亦有極高顏值!啱晒我呢啲怕肥又鍾意打卡嘅女生!🤣​✦ 火龍果‧楊枝甘露純素扭紋雪糕​嚟得DAMA,食純素雪糕是常識吧!​DAMA係做冷榨果汁起家,用呢啲果汁製造嘅雪糕,生果成分比例多達85%,加上歐洲入口嘅雪糕粉,雪糕基本上都不含糖、水及牛奶,百分百呈現水果原味,患乳糖不耐症嘅朋友亦唔驚食用。​店家每日都有4款雪糕比人揀,今次我就試火龍果及楊枝甘露兩款扭紋口味!味道上,我覺得自己食緊一個超濃郁嘅火龍果,再夾雜香甜嘅楊枝甘露,口感好清爽,與其話似雪糕,我覺得更似雪葩!食晒成杯都無罪惡感!​值得一讚係,呢度嘅雪糕亦無平時食開嘅咁易溶,我影咗2-3分鐘都無樣,真係打卡恩物!😝​​✦ 自家製麻辣百頁豆腐洞庭烏冬(套餐連飲品一杯)​烏冬加醬汁,好煙韌彈牙!百頁豆腐中間軟熟得嚟彈牙,口感幾好。另外,烏冬下有大量沙律菜、豆及香菇,食落都唔覺Dry。​​✦ 牛油果燒烤醬素菜卷(套餐連飲品一杯)​BBQ醬加牛油果,好有口感及惹味呢!我好鍾意個烤餅,送上枱時仲熱辣辣,食上口又鬆脆,好正!​​✦ 純素奇亞籽芒果燕麥奶芭菲奇亞籽被譽為「超級食物」,加上天然抗氧化劑「燕麥奶」、芒果果泥及一系列堅果,既健康,又可口。​​✦ 火龍果海鹽杏仁奶蓋烏龍茶呢款特飲個火龍果茶底好濃郁!無額外加糖都好夠甜!另外,海鹽杏仁奶蓋口感幼滑,甜甜咸咸,不錯!​​✦ 招牌水果烏龍茶呢款水果茶就勁足料!一杯有齊蘋果、橙、藍莓、百香果、士多啤梨等新鮮水果,​配上台灣烏龍,口感甘醇又果香濃郁,解暑一流。​ continue reading
(The above review is the personal opinion of a user which does not represent OpenRice's point of view.)
前幾天相約姊妹共聚,最近食泰國食店比較多,姊妹想轉下口味食素食,為了滿足姊妹的慾望,上網得知尖沙咀K11 Musea「DAMA」純素雪糕好出名,使用的食材新鮮,非常受顧客喜愛。餐廳的設計色彩繽紛,環境裝修優雅,整齊美麗,乾淨舒適,氣氛輕鬆。店中有一份雅緻休閒,入面及外面都有小量坐位提供,周圍添置很多充滿風情的藝術格調,打卡好適合。進入餐廳後,見到餐牌的素食及純素雪糕,每款價格相宜,未食巳吸睛,令我胃口大開。純素雪糕的口味每日都唔同,不定期轉換,每日大概有三至四款軟雪糕提供給客人。最新推出的期間限定雪糕杯,六款不同的口味,每款都非常吸引我的目光。港式雞蛋仔軟雪糕純素雪糕無蛋無奶,我選擇了紅肉火龍果軟雪糕,比一般雪糕低80-90%脂肪,入口溶得快,食落好滑,不會好甜。外層是朱古力雞蛋仔,入面是生果,仲有堅果。朱古力味雞蛋仔,朱古力味香濃,外脆內軟,生果是蘋果、士多啤梨及奇異果等,帶點酸味,十分新鮮,堅果健康有益,整體配搭很好,色彩鮮明,齒頰留香,值得推介。楊枝甘露及日本京都抹茶最新推出的期間限定雪糕杯是純素雪糕,六款口味,我選擇了楊枝甘露及日本京都抹茶,楊枝甘露非常香甜,日本京都抹茶帶出淡淡的抹茶香味,二款雪糕杯同樣軟滑,口感衝擊味蕾,饞嘴的我很想Encore。牛油果燒烤醬素菜捲素菜捲切開成二份,餅皮入面有牛油果、菜苗、雜菇及生菜等,好飽滿,細細咀嚼之下,口感層次豐富,充滿優雅不膩的滋味,百吃不厭的推介。鹽烤百葉豆腐豆腐去炸,之後加鹽,油膩感少,鹹香味道,鬆化有咬口,感覺非常彈牙,口感煙韌,我食不停口,不能抗拒它的誘惑。DAMA(尖沙咀)地址:尖沙咀梳士巴利道18號Victoria Dockside K11 Musea 4樓411號舖  continue reading
(The above review is the personal opinion of a user which does not represent OpenRice's point of view.)
Level4 2021-07-03
383 views
之前黎過食榴槤雪糕,香濃嘅味道令我念念不忘,所以黎到encore除左雪糕仲有d 純素小食,今次叫左個和風紫菜淮山拌麵,份量都唔少,同朋友share 完再叫雪糕都夠飽,味道好fresh, 有新鮮veggie 係一邊。仲有d百頁豆腐本身想叫杯yogurt 做dinner, 不過sold out 得番杯果仁芒果阿麻籽,有多款nuts 增添口感,加埋酸甜芒果汁都唔錯encore 左個榴槤雪糕,味道一如記憶中咁正,香濃榴槤香加埋個脆又fancy 黑色cone 真係無得輸另外貪心叫左個mini icecream platter 試埋當日淨番兩款口味,荔枝同strawberry yogurt. 原來 mini size 真係好cute 好細枝🤣 所以溶得好快,想滿足鋪雪糕癮都係大枝正d兩款口味都幾fresh, strawberry yogurt 酸酸甜甜,荔枝個味都幾出野飲叫左杯牛油果香蕉smoothie, texture 好smooth 好fresh,帶淡淡牛油果香。解渴飲落又好舒服。不過味道上更鐘意上次kiwi combination另外叫左杯奶蓋係用左oat milk. 好香帶淡淡咸味,而下面係清爽火龍果juice. 幾好飲依家Dama 出埋雪糕杯可以take away 番屋企慢慢嘆,臨走買左杯choc coconut, 勁好食. 估唔到dark choc 同coconut 香味咁夾,兩者香味都頗濃但又唔會互相搶味 continue reading
(The above review is the personal opinion of a user which does not represent OpenRice's point of view.)
平時成日行過已經好想試, 除左因為顏色鮮豔打卡🤳🏻靚之外, 佢係純素雪糕嚟, 岩哂唔飲得奶嘅小妹, 今日碌Ig見到有紅火龍果同朱古力橙於是收工就即刻🐶衝過去買嚟試下!🌟奇異果香蕉沙冰本身小妹諗住試伏, 點知飲落去估唔到幾夾, 入口先係好濃嘅奇異果味, 之後會飲到香蕉味, 飲落微酸清爽!🌟粉葛赤小豆扁豆素湯素湯幾足料, 味道濃郁唔咸無味精, 用左腰果代替肉, 飲落同肉湯無太大分別仲無咁油!🌟和風紫菜百頁豆腐准山拌麵拌麵有3款, 有辣有唔辣, 小妹就揀左和風紫菜味, 麵質清爽開胃, 醬汁調味唔錯, 百葉豆腐質感軟綿彈牙, 非常吸汁!🌟迷你竹炭椰子可可雪糕筒🥥🍦迷你版雪糕好可愛😍, 椰子味好香, 味道好似特濃椰子糖咁🌟迷你朱古力橙雪糕筒🍫🍊🍦朱古力味好濃郁帶點橙香又唔太甜🌟火龍果/竹炭椰子可可雪糕配朱古力味雞蛋仔紅火龍果雪糕味道清甜, 因為無奶嘅關係所以唔會被奶味蓋過左, 但口感依然好滑, 雞蛋仔係朱古力味, 外面香脆, 入面質感就好似brownie咁, 朱古力味極濃帶微甘苦, 同雪糕好夾, 上面鋪左好多水果, 而最底層仲有唔同款嘅果仁, 口感非常豐富!🌟楊枝甘露雪糕杯雪糕杯有6款, 小妹揀左楊枝甘露味, 芒果味好香濃, 之後慢慢會食到椰子味, 甜度適中 continue reading
(The above review is the personal opinion of a user which does not represent OpenRice's point of view.)