Neway Karaoke Box (Closed)

今次2位好朋友既生日會唔去CEO,反樸歸真黎番呢間九龍行NEWAY,諗起黎都有好幾年無黎過呢間分店。buffet檯都有唔少選擇,相比起CEO當然仲有一段距離,不過連自助火鍋都有,呢樣就幾得意!!刺身都有好幾款選擇,只可惜無北寄貝,三文魚還可以,顏色較淺,以呢個價錢都唔好有太高要求lu。熱盤普普通通,無乜好講;片皮鴨幾好,但餅皮較un,食完件鴨已經飽左;章魚丸比較細粒,又無章魚丸汁,只用花生醬(?!)代替??!!反而扭扭粉沙律我食得仲多,沙律醬+火腿絲+扭扭粉,難食極有限。最令自己失望係豆腐花,以前呢間neway既豆腐花好香好滑,但今次就唔係好得喇,香味欠奉又唔夠滑。今期neway飲品有花茶選擇,自己揀左桂花+馬鞭草:用齊玻璃杯碟,外觀幾得,但味道好清淡,桂花味唔濃,相信加d蜜糖會好飲好多。如果大家打算係neway開生日會,我提議大家自備蛋糕會好好多,因為佢送比壽星既蛋糕真係唔多好吃囉。