良記餐廳(老鳳冰室) (Closed)

上網見到呢間老鳳冰室好似好特別同好味，所以就同媽咪來深水埗試吓啦。我哋叫咗一個好出名嘅芝士豬頸肉撈丁、蝦多士同兩杯波波奶茶。波波奶茶嘅奶茶味好濃郁，而且裏面嘅波波係由奶茶雪出嚟嘅冰，可以keep住杯奶茶凍之餘又唔會變得淡味，呢個設計唔錯而且外貌好特別。蝦多士：味道正正常常，蝦膠都算係厚嘅，點埋千島醬可以去除油膩感。芝士豬頸肉撈丁:係我最期望嘅一道菜，又係我最失望幾多道菜，芝士味一啲都唔濃郁，似忌廉味多啲，而且豬頸肉太薄，冇咗爽口嘅感覺，成件事好普通，唔係好明佢出名個位係邊