澳洲牛奶公司

Open Now

Now Closed

難得今日去開佐敦做嘢，點知去到摸門釘，就諗住食d野之後先走，決定幫襯下好多人推薦但我從未食過既澳牛一入到去就好似好趕咁，店員即刻逼我點野食，其實得兩個餐，就係快餐同茶餐揀。。揀完叫埋野飲都俾人話唔叫得野飲住，話無地方擺叉燒通粉份量都算幾多，但整體味道唔夠，要落埋胡椒粉食先有返啲味道。叉燒唔算太肥，唔係半肥瘦，咬落去肉質一般多士烘過之後連埋牛油一齊食幾好味，不過炒蛋似乎普通少少，油得黎又唔夠滑，火腿仲要得兩細塊，完全唔夠食食完之後真係覺得唔係太特別，普通茶餐廳都可以做到呢個水準，仲要平好多添