Read full review
2015-01-28
1301 views
這天天氣寒冷，仲落住毛毛雨，放工後同友人來到大坑一趟，每次黎到浣紗街一帶，眼睛只集中在拉麵來、民聲冰室、龍鳳冰室等一帶。其實再行入少少仲有間頗有特色，食肉骨茶和星馬菜的店子「肉骨皇」。.店子用上深啡色的餐檯椅子及前方的格仔牆壁，還頗有一貫星馬餐廳的感覺。.食物的種類也不少，包括招牌肉骨茶、沙律/頭盤、小食、主菜、咖哩/喇沙和海鮮等，有好多都想試呢!.桔仔酸梅 $35入口酸酸甜甜帶有梅的味道，雖然梅味不算重，但也頗好飲。.檳城肉骨茶 (細/大) $82/$148講事實小妹都係第一次食肉骨茶，一直好怕藥材味道會好濃，不過聽好多朋友話好好味，所以都想試下!.呢度既肉骨茶有分大同細，今次叫左個細既試下，兩個人每人分到約兩碗，另跟上一小碟油條放湯用。「檳城肉骨茶」熱辣辣的用爐熱著，份量都唔少，主角「肉」煮得夠腍身，入面仲有金菇和豆卜，深啡色的湯底有濃而香的藥材味，甘甘醇厚的味道，不錯。.麥皮蝦 $98新加坂地道菜式，簡單又美味。一碟五隻麥皮蝦，用上虎蝦沾上麥皮再拿去炸，所以可以連蝦帶殼同食。第一次食麥皮蝦的小妹覺得很特別，入口先帶來麥皮的香甜，食落去係香口的，但略嫌蝦殼炸得未夠鬆脆，咬落某些位置
這天天氣寒冷，仲落住毛毛雨，放工後同友人來到大坑一趟，每次黎到浣紗街一帶，眼睛只集中在拉麵來、民聲冰室、龍鳳冰室等一帶。其實再行入少少仲有間頗有特色，食肉骨茶和星馬菜的店子「肉骨皇」。.
店子用上深啡色的餐檯椅子及前方的格仔牆壁，還頗有一貫星馬餐廳的感覺。.
食物的種類也不少，包括招牌肉骨茶、沙律/頭盤、小食、主菜、咖哩/喇沙和海鮮等，有好多都想試呢!.
桔仔酸梅
$35
36 views
2 likes
0 comments
入口酸酸甜甜帶有梅的味道，雖然梅味不算重，但也頗好飲。
.
檳城肉骨茶 (細/大) $82/$148講事實小妹都係第一次食肉骨茶，一直好怕藥材味道會好濃，不過聽好多朋友話好好味，所以都想試下!
.
檳城肉骨茶 (細)
$82
57 views
4 likes
0 comments
呢度既肉骨茶有分大同細，今次叫左個細既試下，兩個人每人分到約兩碗，另跟上一小碟油條放湯用。「檳城肉骨茶」熱辣辣的用爐熱著，份量都唔少，主角「肉」煮得夠腍身，入面仲有金菇和豆卜，深啡色的湯底有濃而香的藥材味，甘甘醇厚的味道，不錯。.
麥皮蝦
$98
45 views
6 likes
0 comments
新加坂地道菜式，簡單又美味。一碟五隻麥皮蝦，用上虎蝦沾上麥皮再拿去炸，所以可以連蝦帶殼同食。
第一次食麥皮蝦的小妹覺得很特別，入口先帶來麥皮的香甜，食落去係香口的，但略嫌蝦殼炸得未夠鬆脆，咬落某些位置仍是硬身和有點吉口，仍有改善空間，不過味道是不錯的。
.
亞囉螄蚶
$88
72 views
4 likes
0 comments
據說這裡的螄蚶係泰國新鮮運來，所以可以安心品嚐嚕。
以白灼的方法來煮，還未全熟的螄蚶仍帶點血水，像小妹本身是頗怕這種血腥味的，但入口後發覺這裡的沒有預期般帶有難頂的血腥味，醮些醬汁，整個超惹味，而且螄蚶食落幼嫩，看來我會開始喜歡這食物了。
.
巴東牛肉
$88
16 views
3 likes
0 comments
一向超鍾意食印尼菜入面既巴東牛肉，以多種香料所烹調，醬汁非常濃稠，帶有陣陣椰香味，用黎撈飯一流，不過略嫌筋位有點韌。
.
馬拉盞炒椰菜苗
$65
31 views
5 likes
0 comments
椰菜苗炒得濕了點，可以再乾身些，不過以馬拉盞來炒的這道菜確實惹味，吃了不少。
.
咖央吐司伴雪糕
$55
34 views
6 likes
0 comments
當初還在想這吐司會否又係好睇唔好味既甜品？但當店員話球雪糕係香芋味時就決定要試下。
.
香芋雪糕
34 views
5 likes
0 comments
鬆軟微熱的吐司咬落有陣陣牛油香外，也有咖央的甜味，就係覺得好好味，完全是小妹杯茶，配埋有天然芋頭香的香芋雪糕，整個更加滿足，很夾也很有驚喜，一定會再黎食。
Post
