蘇媽.蘇媽馬來西亞茶餐室

Open Now

Now Closed

蘇媽蘇媽嘅深水埗店我已經係常客，今次見你開喺旺角，見佢店面大咗好多，梗係要同朋友嚟試試佢啦其實餐牌、裝飾大致同深水埗店一樣，不過闊落咗好多，又開揚咗，環境唔錯今次唔算好餓，所以主要嗌小食，必嗌嘅係咖咉多士！麵包香脆，配上甜甜咖咉醬同牛油，正！食完個甜點做頭盤，即刻飲返碗肉骨茶先啦，再開始食鹹點嗌咗三層肉，入口即化嘅肉，雖然邪惡但好滿足，又足入味，推薦！之後仲有XO醬蘿蔔糕，食到粒粒蘿蔔，我鍾意呢隻口感，唔會成口粉就完，不過略為有點油最後再食埋咖哩薄餅，呢道我覺得普通，咖哩太稠糊，稀身啲會好啲而酥餅空氣感太重，無咗咬口反而只有酥脆，可能其他人會鍾意掛總括我都係好滿足，抵食馬拉野