隱町 (花園街) (Moved) New Location

喺Openrice見到呢間日式串燒店「隱町」有唔少好評，餐廳位於旺角花園街，地點比較隱秘，要喺泰國餐廳隔離嘅後巷入去～小店面積不大，充滿日本居酒屋風味，可包場開小型party餐廳仲有唎酒師駐埸，教你串燒要搭配咩清酒🍶精選廚師沙律廚師沙律材料好豐富呢，有日本豆腐、新鮮沙律菜、車厘茄等等，鮮甜又爽脆，清新開胃汁燒雞肉蔥串雞肉好大粒，肉質嫩滑，雞味香濃👍🏻配上蔥花同蘿蔔蓉，味道清新雞肝加左醬汁燒香嘅雞肝好新鮮，入口粉粉的燒汁和牛粒和牛粒好juicy，肉質腍滑，帶有濃郁牛肉味青葡萄豚肉卷坊間嘅豚肉卷通常包著荔枝，呢度嘅係包青葡萄🍇一咬開後提子肉汁瞬間爆發，提子嘅酸甜中和左五花豚肉嘅油膩感，好好食呢白鱔好肥美的白鱔，上層嘅魚皮燒至微微香脆，底下嘅魚肉充滿魚油脂香，好味道雞胸脆骨估唔到雞胸嗰塊脆骨都可以用黎做串燒，口感有啲似雞軟骨，脆脆地，頗有咬口鹽燒豬肋條已去骨的豬肋條，肥瘦適中，肉質香軟！簡單的鹽燒最能品嚐到豬肉本身嘅美味燒日本青椒仔青椒仔爽脆多汁，比大青椒多咗一份香甜燒飯糰🍙飯糰燒到外脆內軟的，外層加左芝麻燒至像飯焦的口感，好香口，卜卜脆！中間嘅飯熱辣辣，帶有醬油香