Read full review
2018-10-24
59 views
一向鐘意動物嘅我，第一次體驗貓咪咖啡廳，估唔到又真係幾治癒。呢間位於旺角嘅店，數數手指我諗都起碼有接近二十隻貓，而且全部貓貓個性都相當乖巧，有部份仲會主動黏人，就算你平時多鐵石心腸，比貓貓一嗲都立刻會溶化。話明咖啡廳其實都有飲品同套餐，想快快選擇好就玩貓，我會建議叫個二人套餐，包括一個小食拼盤，以及飲品、沙律、湯、小食拼盤、主食分別各兩份。就份量同價錢泥講，可以話係相當化算，簡直係不二之選。柯打之後飲品相當快到，我點咗一杯凍台式黑糖咖啡，至於味道唔會太濃，唔怕飲咗會訓唔著。接住餐湯同沙律都繼而到達，南瓜湯味道濃帶甜，稀杰程度岩岩好，入口豐富嘅南瓜味道之餘，口中仲有絲絲南瓜蓉。而沙律表現中庸，正常份量。其間拼盤都到了，分別有炸薯條、切咗片嘅司華力腸、炸滑丸。拼盤採用嘅中薯條，係我覺得最好嘅尺寸，外皮脆但內裡綿；而炸滑丸，係第一次食嘅小食，好似係自家制嘅得意之作，幾款顏色既炸脆皮，內裡包住嘅係類似滑既食材，十分新奇！身處貓cafe，時間真係好快過，個主菜好似唔洗等又有得食了。分別柯打咗芝士肉醬意粉同燒烤醬黑毛豬肋骨。意粉份量多，兩個人食岩岩好，味道方面唔會過咸，意粉烹煮既程度適宜，比想像中
話明咖啡廳其實都有飲品同套餐，想快快選擇好就玩貓，我會建議叫個二人套餐，包括一個小食拼盤，以及飲品、沙律、湯、小食拼盤、主食分別各兩份。就份量同價錢泥講，可以話係相當化算，簡直係不二之選。
柯打之後飲品相當快到，我點咗一杯凍台式黑糖咖啡，至於味道唔會太濃，唔怕飲咗會訓唔著。接住餐湯同沙律都繼而到達，南瓜湯味道濃帶甜，稀杰程度岩岩好，入口豐富嘅南瓜味道之餘，口中仲有絲絲南瓜蓉。而沙律表現中庸，正常份量。
其間拼盤都到了，分別有炸薯條、切咗片嘅司華力腸、炸滑丸。拼盤採用嘅中薯條，係我覺得最好嘅尺寸，外皮脆但內裡綿；而炸滑丸，係第一次食嘅小食，好似係自家制嘅得意之作，幾款顏色既炸脆皮，內裡包住嘅係類似滑既食材，十分新奇！
身處貓cafe，時間真係好快過，個主菜好似唔洗等又有得食了。分別柯打咗芝士肉醬意粉同燒烤醬黑毛豬肋骨。意粉份量多，兩個人食岩岩好，味道方面唔會過咸，意粉烹煮既程度適宜，比想像中更佳。而我自己更喜歡黑毛豬肋骨，因為燒烤醬配搭肉類嘅做法係最保守，所以表現亦都非常穩定，令人十分開胃嘅口味，而豬肋骨肉質剛剛好，唔會過韌且能夠用刀叉撕出一絲絲嘅肉，對於我呢啲牙齒唔太靈活嘅人，可以話係相當好嘅選擇！
總結，是次體驗相當喜出望外，不論係店裡嘅食物表現，而且貓貓嘅素質都係屬於乖巧。聽番朋友對於以前嘅體驗，呢度嘅貓貓種類係比較繁多，而且親切會主動親近客人。最後我大概都坐咗一段長嘅時間先離開，店裡嘅人都係表示好隨和同歡迎，所以每個人先能夠自然又舒服地放鬆一下心情。概括以上優點個人覺得呢度係值得推薦。
Post
