好燒式串燒專門店 (砵蘭街)

Open Now

Now Closed

今晚同朋友喺旺角搵食，意外發現呢間個名好得意嘅「好燒式」！價錢親民，全部即叫即燒，熱辣上枱，宵夜時段營業至凌晨3點，絕對係現時香港少見。雜菌蘆筍燒扇貝扇貝超大隻！肉質鮮甜彈牙，雜菌蘆筍爆香唔會蓋過海鮮原味，入口超滿足。日本北寄貝$138有兩隻，性價比爆燈！ 超新鮮，仲有啲魚子配襯，少少蒜蓉調味，d湯汁好鮮甜。燒馬友魚外皮燒到金黃脆身，魚肉嫩滑多汁，魚油豐富，簡單用鹽調味已經帶出鮮味，兩個人分享剛剛好。 頂級安格斯牛小排肉控必試！牛小排油脂分布均勻，燒到五成熟，肉香濃郁。燒豬脾仔外皮焦香，肉質juicy唔乾，啖啖肉，超抵食！ 燒魷魚鬚椒鹽風味夠惹味，送酒一流。煙肉蘆筍卷煙肉鹹香包住爽脆蘆筍，解膩又健康。厚燒玉子蛋味香濃，口感軟綿。原條燒茄子茄子鋪滿蒜蓉同孜然粉，軟綿入味，一啖接一啖停唔到口。