大滿喜日本料理 (Closed)

未有得去日本之前，唯有食住放題一解刺身壽司既心癮。一行四人，由於大家都放收工，所以決定訂9:30pm之後既時段。9:30pm後入座有原來仲有85折，搭Lift上到去門口已經人山人海。坐低之後第一時間當然係睇下有咩可以點，重頭戲當然係刺身拼盤，有甜蝦，赤蝦，三文魚，吞拿魚，油甘魚，帶子，選擇豐富。而本人最喜愛的就是甜蝦，每一隻都好肥美，唔似出面細細條，食落口好滿足，另外其他刺身都算厚身，唔會偷功減料火炙壽司：蟹棒好好食，而三文魚同吞拿魚都好新鮮，重點壽司舊飯唔會太多，絕對係一個溫馨既舉動，因為唔會食左太多飯而浪費其他食物蒜香雞中翼：雞肉入味，一個人KO咗四隻燒蝦串燒：蝦肉新解冇晦，仲有檸檬汁附送提鮮，最尾翻叫左2次燒菠蘿：真的很好吃，好甜及多汁，而且不會燒過火燒翠肉瓜：燒完都有好多汁，上面仲會一層薄薄既椒鹽調味炸物：炸得啱啱好, 唔燶亦唔會乾。炸榴槤更加無得頂！中間係流心，榴槤味濃，真心正！另外，自助區有小食，沙律吧，新鮮乳酪雪糕，外加大量飲品提供，飲品種類比其他放題多，連酒，梅酒同紅酒都有，真係完全估唔到！