Video
Read full review
2022-01-27
107 views
前排見到銅鑼灣一間專門食日本海鮮嘅「磯野水產」正推出期間限定二人前套餐 $1,186，便心思思約朋友黎試一試。餐廳裝潢甚有日式風格，環境整齊寬敞，邊食邊播着日本歌曲，令人彷如置身於日本。食物質素高，特別係海鮮，都係即開即燒，非常新鮮。加上服務都唔錯，餐廳職員會按照我地嘅進食速度去燒海鮮，以確保食物嘅鮮味，呢方面值得一讚👍前菜 - 野菜條沙律爽脆冰凍嘅青瓜、白紅蘿蔔切成條狀，配上由多春魚同沙甸魚所造嘅醬汁。醬汁以慢火加熱，魚味濃郁偏鹹，但當配上清新嘅野菜條便可以中和鹹度，而且一冷一熱口感相互交織，味道不俗，係款幾有特色嘅前菜火炙左口魚邊沙律左口魚經火炙後特別香且油份十足，配搭新鮮翠綠的沙律菜，非常開胃😊燒鱈魚乾咬落有陣鱈魚香，非常香脆可口，點上沙律醬，滋味無窮😋澳洲活龍蝦 (兩食)先食活龍蝦刺身，賣相討好誘人，整體顏色鮮豔奪目，當然要即刻打卡啦🤭 龍蝦肉呈透明好新鮮，口感爽甜彈牙，份量亦算多，食得好滿足🙈再來就係甲羅燒，擺碟同賣相雖然冇活龍蝦刺身咁精緻，但龍蝦膏同龍蝦肉同時鋪滿喺原個龍蝦殼上，感覺好澎湃😍 食用時放喺脆脆地嘅小餅乾上，蝦味濃郁、滋味而不膩口，正呀！北海道活帆立貝 x1上碟
餐廳裝潢甚有日式風格，環境整齊寬敞，邊食邊播着日本歌曲，令人彷如置身於日本。食物質素高，特別係海鮮，都係即開即燒，非常新鮮。加上服務都唔錯，餐廳職員會按照我地嘅進食速度去燒海鮮，以確保食物嘅鮮味，呢方面值得一讚👍
前菜 - 野菜條沙律
爽脆冰凍嘅青瓜、白紅蘿蔔切成條狀，配上由多春魚同沙甸魚所造嘅醬汁。醬汁以慢火加熱，魚味濃郁偏鹹，但當配上清新嘅野菜條便可以中和鹹度，而且一冷一熱口感相互交織，味道不俗，係款幾有特色嘅前菜
火炙左口魚邊沙律
左口魚經火炙後特別香且油份十足，配搭新鮮翠綠的沙律菜，非常開胃😊
燒鱈魚乾
咬落有陣鱈魚香，非常香脆可口，點上沙律醬，滋味無窮😋
澳洲活龍蝦 (兩食)
先食活龍蝦刺身，賣相討好誘人，整體顏色鮮豔奪目，當然要即刻打卡啦🤭 龍蝦肉呈透明好新鮮，口感爽甜彈牙，份量亦算多，食得好滿足🙈
再來就係甲羅燒，擺碟同賣相雖然冇活龍蝦刺身咁精緻，但龍蝦膏同龍蝦肉同時鋪滿喺原個龍蝦殼上，感覺好澎湃😍 食用時放喺脆脆地嘅小餅乾上，蝦味濃郁、滋味而不膩口，正呀！
北海道活帆立貝 x1
上碟時已經聞到陣陣黑松露同牛油香🤤 師傅火候控制得好好，燒得唔乾身。帆立貝肉身厚實、入口軟彈，而裙邊口感好爽脆，整體香味同味道俱佳，好惹味😆
時令活蠔 x2
生蠔都算肥美飽滿，簡單以清酒調味，入口軟滑，且蠔味濃郁，食落鮮甜無比，有陣陣清酒香亦有淡淡海水味
日本活白貝 x4
白貝厚肉得黎又乾淨冇沙，店員燒嘅時候加入少量清酒，味道鮮甜爽彈帶點清酒味
鹿兒島A5和牛烏冬
牛肉配上壽喜燒湯底就最夾😌 A5和牛油花豐富，口感細嫩軟腍；烏冬口感煙韌，整體味道不俗，好想食多碗😋
鯛魚湯野菜烏冬
呢款烏冬同啱啱食嘅和牛烏冬各有特色，鯛魚湯魚味濃不帶腥味，簡單配上野菜更能突顯魚湯嘅鮮味，食完記得飲湯😏
日本卷蛋 x2
賣相相當精緻，分別有士多啤梨同朱古力兩款口味。士多啤梨味道清新，而朱古力味道濃郁。即食唔解凍嘅卷蛋外層偏硬，內層嘅忌廉質感似雪糕。整體唔會太甜，口感層次豐富，亦為呢餐劃上完美句號😊
Post
