正宗水上人氣鍋專門店 (Closed)

行開旺角，就想再黎呢間水上人食蒸氣海鮮啦！呢度d海鮮好新鮮，店員話係即叫即劏，款款海鮮上碟都非常生猛，特別喜歡呢隻龍蝦，由於新鮮，蒸熟之後非常鮮甜，肉質爽口彈牙啖啖肉😋隻蠔都好大隻，有我掌心咁大，係咁二點下d醬油吊下味已經帶到佢既鮮甜！另外，黑松露蒸扇貝都好俾貨，隻扇貝大大隻，配合埋黑松露，好特別嘅組合，鮮甜得黎又有點菇菌嘅淡香！另外黃金聖子皇都好鮮甜爽口，可見新鮮食材嘅重要性。最後，個粥都不容忽視！集合左咁多款海鮮精華煲出黎嘅粥，齋係陣味已經夠吸引，食落好重嘅海鮮味，配合埋葱花，好惹味😋唯一不足係個椰青吾夠冰凍，上枱暖暖地，吾夠完美哈哈。