正宗水上人氣鍋專門店 (Closed)

正宗上水人蒸氣火鍋，當然適合我依個上水人啦！冷冷清清小貓三四隻，是否因為七半開飯時間尚早呢？發現老闆原來係 CCTVB 無線演員，近期都有接受過訪問提及此蒸蒸店呢。有緣地撞到成堆無線藝員剛埋單離開，剩係叫得出高海寧，其他認得個樣但唔記得個名，全部都安排坐樓上貴賓房啊。難得日尼女神應要出席她的生日飯，當然要食得好一點啦，預先訂位就安心晒，預早一點到場打點下先。呆等成粒鐘終於現身，最初以為係女神，相處下原形畢露！點知內裡實為瘋婦港女、低智中女！幸好及早發現，否則萬劫不復，驚死朕咩！是關日尼港女不吃雞牛羊豬等四腳溫血動物，所以一心揀選全海鮮盛宴。到場前決定食阿拉斯加長腳蟹套餐，但居然已經取消變為菲律賓膏蟹餐，十分失望啊。經理推介不如散叫一隻做緊特價，原價 $1888，依家 $988 就有喇。諗諗下叫個套餐再加隻蟹一定食唔晒，都係放棄吧。港女話四眼阿嬸講可以自己郁手，自己蒸自己食。無理由喎，依度係職員招乎烹煮，唔洗自己蒸架，係咪聽錯呀？我心諗職員唔洗做當然高興您食自己啦，想呃膠我地嗎？不過依位新黎四眼阿嬸每次都有幫我地蒸食物，無事發生。叔叔、經理們都有禮招乎周到，但四眼阿嬸免強可以。豪華海鮮餐

成日行過見到呢間野都好似唔錯咁，朋友食完話OK，所以今次就一齊去試啦。6點幾個陣上openrice book 19:15都有得book，去到個陣揾lift搭個陣已經有職員係度等緊我地。入面都幾大，幾寬落，兩個人坐既卡位都可以坐到4-6人，所以坐得舒服。叫左個A餐，每人叫一個餐就可以半價加餐牌既野，所以一人叫左一個A餐。半價加左大雪花和牛、櫻花葉蝦丸(其實我地只係加手打蝦丸但店員比左櫻花葉蝦丸我地所以算啦)枱面SET時間呢個爐，夠鐘會響，會有店員尼幫你開蓋同分埋，再幫你蒸下一樣野，唔洗自己動手跟餐既貝類，芒蜆、馬刀貝、花甲王，全部都鮮甜唔錯跟餐既海鮮，龍蝦、鮑魚、蟹、聖子、貴妃蚌龍蝦都幾大隻，幾有味鮑魚pat綠色野麻麻地，鮑魚好彈牙蟹都好多膏，唔錯貴妃蚌就比白汁D味遮過左，不過口感都唔錯蟲草花蒸雞冇影到，不過雞肉嫩滑，冇雪味，蟲草花好食櫻花葉蝦丸，D櫻花葉味麻麻地，可能普通蝦丸會好食D雪花和牛(大) 咁就叫大份，好似細碟左少少好香油味，唔錯蔬菜籃，菜心好甜最後既南瓜粥甜品(jelly)水果:桃，幾好食，又大又多汁馬拉糕and蜂巢糕，兩樣都好味食到非常飽差D要打包，而且唔洗自己動手，有店員

中國人煮海鮮就煮得最好啦，食海鮮一定係蒸係最好食嘅，最新鮮最原汁原味。喺呢度食到最新鮮仲游緊水嘅海鮮，價錢合理，兩個人食咗7-8 款海鮮，全部都新鮮活跳， 埋單每人都只係大概$500。 首先我一定要講下佢嘅自家製甜品，佢嘅jelly 造型竟然做到好似士巴拿咁, 我仲問 吓？ 係咩嚟㗎？ 原來係jelly 呀. 真係做得非常神似, 大小朋友見到都覺得好神奇好得意。另外薑汁糕同埋紅棗千層糕都非常之好食，一定要留肚食呢兩款甜品。全部海鮮都非常新鮮， 龍蝦肉彈牙，蟹肉鮮甜，蜆肉juicy 肥美， 鮑魚配左蔬菜汁令到鮑魚嘅鮮甜更加突出。想再食海鮮嘅時候一定會再嚟呢一度。

我家海鮮控老闆 説要吃海鮮餐，就去吃蒸海鮮啊。叫咗一個二人餐，大概$1000 ，吃海鮮，海鮮夠新鮮嘅話，清蒸加小許醬料， 就已經可以帶出海鮮嘅鮮味，是最好吃的方法。海鮮盤上菜的時候超級大的一盤，好震撼好開心。這家海鮮都非常新鮮，肉嫩彈牙。 聖子、鮑魚、貴妃蚌 都配上左三款唔同嘅自家製醬汁，非常有驚喜。鮑魚配嘅蔬菜汁好特別，貴妃蚌配白汁都係第一次食，帶出咗貴妃旁嘅鮮甜。 特別推介沙白，大蛽 超級鮮甜，非常juicy! 最後的海鮮精華 雞肉蟲草花南瓜粥 綿綿的 甜甜的。

提早一日訂左位，但去到根本無乜人，有小小驚中伏。同fd叫左一個around 500一位既set，會有嬸嬸幫你逐樣擺落去蒸，個底系豬骨南瓜粥，最後先食。一開始系會食幾種不同既貝類海產，之後系﨡子，然後系鮑魚，龍蝦，蟹仲有鷄同甜品糕點。一開始以為會唔飽，但食到後期其實真系好夠飽。D海鮮都算ok新鮮。唯二覺得不足既就系sevice比較差，同埋d海鮮自己搭配既醬料好奇怪…有白汁之類西式醬料，有點兒唔match。

一心黎試吓上水人嘅蒸氣鍋係咪即係傳聞中咁好食，咁嚟到每人點一個海鮮啦，其實初初都覺得OK嘅第一睇價錢嘅就真係覺得有啲貴，不過如果食物質素高的都OK嘅，咁啲一餐呢我哋食咗八百幾蚊，兩個人，貴唔貴呢就真係見仁見智，

諗起有得食新鮮海鮮蒸，真係心情都靚啲呀。自助醬料吧十分齊全，辣椒辣醬沙嗲醬鮮蒜炸蒜炸菜菜甫等等等等.....座位寬敞舒適，未食都已經有好好嘅印象分啦！黎到精彩嘅海鮮拼盤，真心正，職員會幫你放入鍋，夠鐘又會幫你分餸，服務唔錯！海鮮十分鮮甜！十分鮮甜！十分鮮甜！之後職員會蒸籠蟹糯米飯，蟹肉嘅鮮甜配埋糯米飯香，食得一碗真係唔夠喉呀！最後，最精彩嘅環節黎啦！就係海鮮湯底嘅粥呀！蒸海鮮果時，海鮮嘅精華逐啲逐啲滴成海鮮湯再加飯同排骨落去「淆」粥！鮮甜好味到不得了呀！大滿足

一向都知蒸氣海鮮好貴，但呢間見到價錢真係嚇親，散叫直情貴到呢，最後就叫咗個set餐，按人頭收費海鮮係好新鮮，所以一分錢一份貨，服務亦非常好👍會夾埋比我哋食，另外我哋自己拎咗幾個包去，店員仲幫我地蒸埋，要讚！自攜食物都冇話我哋

我們一行人8大2小，因為餐牌價錢太嚇人，不知道朋友們介不介意，只叫了一個一千多元4人餐，再另外散點了一些小食。首先食物質素來說，千幾元一個4人餐，這個叫正常水準，若果千幾元都有不新鮮情況，真係不需要再來～海鮮拼盤來的時侯加入乾冰托出，夠曬氣勢。每人也只能品嚐到一點點海鮮甜品最為有心思，正宗食鏍絲。總括海鮮質素及味道屬正常，但一大班朋友聚餐實在不忍心叫太多，所以一大班朋友的，都要預4-5千元左右才會夠飽，當然我回家都要再食公仔麵

N年前試過同區(忘了店名)嘅蒸氣鍋，感覺一般，星期二晚聚會有人提議食蒸氣鍋，我呢啲細嘅當然努力响 openrice 揾好嘢啦，見呢間食評同照片都唔錯，而且地點方便，一於訂位一試。一進店感覺寬敞，光線充足，裝修雅致，無油煙味，侍應安排我們坐卡位，坐位舒適，4個人坐好闊絡。這裏可以散叫或點套餐，我們點了 4個 A 餐，餐基本上以海鮮為主，未開始蒸嘢前，侍應將米，豬骨，南瓜同水放鍋底，著上蒸隔，用來煮粥底。先嚟有貝殼類，花甲，蜆，馬刀貝，之後上一大盤海鮮拼盤，有鮑魚，龍蝦，聖子，貴妃蚌，。。。，以前食過嘅蒸氣鍋店係俾個不同食材蒸煮時間表食客自己煮，但這裡全程都係侍應招呼，不用我們自己煮。 食完海鮮，再來有蟲草花蒸雞，梅菜蒸芥蘭，蒸馬拉糕同蜂巢糕，最後輪到响鍋底滾咗好耐，吸收晒所有蒸海鮮汁液嘅南瓜豬骨粥，啲粥好鮮甜，加上蔥花菜莆，好味，雖然米無煲到開花，但我個人反而喜歡有飯粒嘅咬口。飽餐一頓後，當然唔少得飯後甜品啦，甜品係這店嘅特色士巴拿同螺絲帽啫喱，造型好迫真。 除了啫喱，竟然還送了每人一個迷你菠蘿，好甜好爽。可能因為是 weekday 星期二，客人不算多， 可以好輕鬆同朋友邊食邊吹水。 同

之前同友人去過旺角一間聲稱食蒸氣火鍋既餐廳，點知只有一盤係蒸氣，其餘時間都係同打邊爐無分別，而且係淥落去個粥底度，成件事都好奇怪今次生日，友人就決定帶我去翻間正宗既蒸氣火鍋店試下其實價錢都算偏貴 最後覺得都係咁上下 就選擇左set a首先放左個南瓜豬骨粥底落去呢度有三種貝殼類 全部都夠鮮 無腥味 我會飲埋d汁其中有一隻開唔到口 店員就幫我地換左 仲送多隻比我地見到都覺得好豐盛，最好食係黃金汁聖子！個醬汁做得好好 係蒜椒溝埋一齊既口味 配搭底既粉絲，好出色！白汁象拔蚌都容易入口，容易撕開。相反個鮑魚同龍蝦就最普通，食落無味，要靠自調醬汁平衡翻。隻蟹好多膏，一啖連埋肉食，好滋味！蟹膏肥而不膩，蟹肉軟滑👍🏻雞肉本身已經唔太多，而且主要係骨同皮但勝在有蟲草搭救，挽回不少分數呢2款糕點都好好食，尤其馬拉糕，唔太甜，夠鬆軟食完一大輪，其實已經開始飽但壓軸嘅粥底吸收左海鮮嘅鮮味，吸引到點都要食一碗南瓜味唔夠濃陏，唔知係咪因爲我地之前吸曬海鮮既汁 無流落去個粥底 變左粥底無乜海鮮味不過好在豬骨既加入 粥底都甜甜地記得放入菜甫呀 加埋好好食精美甜品竟然係士巴拿，像真度好高！呢個其實係啫喱黎，食落似可樂味

一年一次團年飯，一家人頭痛食咩好。篩選完一輪都唔掂，最後老爸拍板食氣鍋。因為想去嗰間已經無位，所以就試新嘢！環境都幾好，座位都算寬闊，肥仔老公都唔覺迫。我們叫咗2個最平的2人餐，比4人餐多嘢，價錢都係差唔多。一上嚟個海鮮盆已經擺得好吸引，仲有乾冰營造仙境，就係有尐無謂。😏先放蜆呀之類落鍋，一開蓋睇落都真係好味咁。食落都真係唔差，好快就夾晒落第二樣嘢。樣樣海產都好新鮮，有鮮甜的味道，真係無得彈。落單嗰時，老爸本來都話貴過之前嗰間，食完第一樣就無再講過😂，再食多幾樣都忍唔住讚“尐嘢係幾靚，幾精緻。”雖然材料頂級，但係尐配汁就有好有壞。好似鮑魚上面青色嗰pat汁，都真係幾難食。撇開佢，舊鮑魚淨係點豉油都好好味！ 又好似貴妃蚌嗰pat白汁，溜到我爭啲食唔到龍蝦同蟹。食到最後所有海鮮精華都落晒個南瓜粥喥， 個層次真係有夠複雜，好在個啫喱酸酸甜甜咁可以解下膩。整體嚟講，大家都食得好滿意！

兩星期前食完，$498餐有d海鮮（貝殼類果d）腥腥地。琴日再去食$598同$698海鮮餐，全部質素提升。因5人只叫了4個餐（有朋友打左底先黎）追加賴尿蝦、蟶子）等大家有得share，店員都不介意，仲好專業地幫我地剪賴尿蝦，比地下成日要催佢煮海鮮好好多，地下會成日sell你叫佢個什麼自家制羅漢果茶（但味道一般），但樓上唔會，最終$3980/5人（等齊人前叫了小食及叫了d啤酒），好滿足地完成慶祝宴。

食過三間蒸火鍋， 大家價錢差唔多。 這間食物質素中規中矩， 所謂的手打丸類一般。 價錢不算平( 金雞廣場哪間CP值比較高些)。 今次食皇帝蟹， 大約四斤重， $2988。 肉質很甜，正！ 九個人分，都還可以。 花甲就咪叫了，$88一份只得9隻，好貴。

是夜一行人相約聚舊，黎到位於旺角雅蘭附近的蒸氣鍋專門店，一早預約好房間的我們獲安排於三樓就席。房間佈置簡約整潔，餐具亦一早放置得井井有條。調料選擇非常多，有選擇困難的朋友應該會很花時間。象拔蚌刺身，肉質晶瑩通透，入口爽甜脆嫩，絲毫不覺油膩，沾一點芥辣同吃，更加鮮美。花竹蝦刺身大大隻，肉質結實彈牙，啖啖鮮蝦肉充滿口腔，超滿足。順帶一提店家說由於休魚期剛剛結束，故這陣子的海鮮特別肥美。開邊蒸的龍蝦肉質厚實，嚼下很有質感，沒有半點鬆散；蝦膏味甘濃郁，幼滑鮮甜。扇貝伴以松露醬再加粉絲蒸，味道出奇地夾，松露獨特的香味與粉嫩的元貝同吃，惹味十足。蒸鍋最重要的要算是粥底了，店家滴水不下，確保所有水分都來自海鮮的精華，吃起來十分綿滑，而同煮的花竹蝦頭亦充滿蝦膏，使整個粥的鮮味更加昇華，好味道。