281
16
9
3-min walk from Exit E1, Mong Kok MTR Station continue reading
Introduction
The restaurant specializes in steam hot pot. The American oyster is a must try. The congee is fresh and sweet after absorbs the ingredients. continue reading
Payment Methods
Visa Master AlipayHK Alipay Cash UnionPay JCB
Number of Seats
200
Other Info
Wi-Fi
Open Till Late
Alcoholic Drinks
May Bring Your Own Wine
Phone Reservation
Delivery
10% Service Charge
TV Broadcast
Spot payment
Review (346)
Level4 2019-12-10
292 views
正宗上水人蒸氣火鍋,當然適合我依個上水人啦!冷冷清清小貓三四隻,是否因為七半開飯時間尚早呢?發現老闆原來係 CCTVB 無線演員,近期都有接受過訪問提及此蒸蒸店呢。有緣地撞到成堆無線藝員剛埋單離開,剩係叫得出高海寧,其他認得個樣但唔記得個名,全部都安排坐樓上貴賓房啊。難得日尼女神應要出席她的生日飯,當然要食得好一點啦,預先訂位就安心晒,預早一點到場打點下先。呆等成粒鐘終於現身,最初以為係女神,相處下原形畢露!點知內裡實為瘋婦港女、低智中女!幸好及早發現,否則萬劫不復,驚死朕咩!是關日尼港女不吃雞牛羊豬等四腳溫血動物,所以一心揀選全海鮮盛宴。到場前決定食阿拉斯加長腳蟹套餐,但居然已經取消變為菲律賓膏蟹餐,十分失望啊。經理推介不如散叫一隻做緊特價,原價 $1888,依家 $988 就有喇。諗諗下叫個套餐再加隻蟹一定食唔晒,都係放棄吧。港女話四眼阿嬸講可以自己郁手,自己蒸自己食。無理由喎,依度係職員招乎烹煮,唔洗自己蒸架,係咪聽錯呀?我心諗職員唔洗做當然高興您食自己啦,想呃膠我地嗎?不過依位新黎四眼阿嬸每次都有幫我地蒸食物,無事發生。叔叔、經理們都有禮招乎周到,但四眼阿嬸免強可以。豪華海鮮餐 2 號,售 $600 蚊位合理經濟。種類繁多,賞心悅目!南非龍蝦、瀨尿蝦皇、海中蝦、美國石蠔、海芒蜆、馬甲貝、黑松露蒸元貝、蟲草花蒸雞、、生薑蒸芥蘭、南瓜豬筒骨粥。套餐 D 售 $698 蚊,種類都不少!菲律賓霸王奄、南非龍蝦、海花蟹、翡翠蒸鮑魚、黃金汁蟶子皇、蒜蓉貴妃蚌、海芒蜆、花蛤皇、雪花和牛、生薑蒸芥蘭、南瓜豬骨粥、馬拉糕、椰汁桂花糕!超級大雜錦,百鳥歸巢,萬馬奔騰!朝日啤酒,正板清爽醒神無搵笨!收工來幾支大透心涼,怨氣全消。拍照檢閱後立即行動!草帽血滴子開始運作,煙霧瀰漫氣氛大好,懷著少女的心情期待著海鮮的降臨!神奇草帽血滴子,隨著水開始滾,蒸氣漸漸滲出,手多摸一摸,勁燙手呀!好彩無灼傷呢。雷式混醬,簡單的混醬,蔥花蒜蓉辣椒已使我心花怒放,最緊要有指天椒!百搭蒜辣豉油,任何海鮮肉類都適合,提味提鮮增加食味。我真心討厭自助調味吧,食客好地地坐係度點解要行出行入呢?既不方便、麻煩、混亂!所以我不幫襯自助餐的。美國石蠔,新鮮活開蠔才能吸引到我,平時美國膠桶蠔只係代替品,頂住癮!海黃蜆,最細的便是芒蜆,嚥嚥韌韌有點瘦。海芒蜆,貌似大蜆,肉厚肥美多汁。馬甲貝,長長的身軀,軟軟帶著極甜的肉汁。花蛤皇,精挑細選一份只有六隻,少食多滋味。細粒但肥美,細粒但甜美,不需調味直接啜入,蜆味海洗味融和。海中蝦,生猛活潑腳踢踢,趁您地靈魂還在就先行處理,祝願一路好走免除痛苦。爽彈多汁甜美無敵,游水鮮活完美無瑕。南非龍蝦,清甜爽爽,輕輕龍蝦甜。瀨尿蝦皇,都有五六吋還可以。雖然無膏,肉地軟軟充滿汁液,比起其他海鮮都更鮮甜,啜得高興無得頂!美國石蠔,鮮活即開生猛,美國桶蠔那有得相提並論。厚身肥嘟嘟脹卜卜,蠔肚爆汁甘甜無比,先彈後嫩,洒上辣椒豉油更如虎添翼。翡翠蒸鮑魚,還以為係翡翠鮑魚,原來香草芝士,眼大睇過龍。鮮鮑一啖入口陣陣鮑味,咸香芝士加香草,彈彈而西西地的螺味。黑松露蒸元貝,巨型洗得白雪雪一絲不苟,有誠意別於一般街坊火鍋店。醬似蘑菇又似麵豉,厚肉鬆軟,肉甜醇美,黑松露醬混辣椒豉油添味提鮮。裙邊爽脆海鮮味出眾,過足口癮。蒜蓉粉絲蒸元貝,見好大隻忍唔住叫雙試試,還以為係黑松露醬,竟會係蒜蓉既?新鮮就是最大本錢,只要時間蒸得準確就成功!不幸蒸得過熟,感到少少鞋,好采鮮甜味仍在。蒜蓉多年拍檔無甩拖,添幾滴辣椒豉油更精彩。蒜蓉粉絲蒸貴妃蚌,厚厚蚌肉,鮮彈多汁,甜得出奇拍手。黃金汁蟶子皇,有趣梗係要試。還以為係咸蛋黃添,原來用甜椒打成,真係甜架喎。處理得非常徹底乾淨,無沙無衣無內臟無異味。預設時間蒸太耐喎,鬧鐘未響就要行動,早 1 分鐘起菜,但已經返魂乏術,熟到乾韌鞋非常失望。理應整條導入,會甜得誇張,會鮮得出奇,爽彈幼嫩才是!侍應叔叔話因為怕粉絲太硬所以蒸耐一點,這解釋有點牽強,有點妹仔大過主人婆。頂角膏蟹,套餐轉眼消滅,但係唔夠飽呢!唯有散叫繼續加餸!她來自菲律賓嗎?蒸熟蟹香驚歎不已,鮮氣強烈,聞得到的蟹香!立即處理淡黃色的蟹膏,軟滑黏黏,極濃鮮蟹味,清新甘甜!蟹肉嫩滑,鮮甜美妙。菲律賓霸王奄,何以見得係霸王呢?眼測比本地奄仔蟹大隻少少。肉甜膏甘,肉實膏綿,認可。海花蟹,好細隻奀滋滋,小朋友黎喎!幸好肉鮮膏甜,嫩滑的肉,特甜的膏,跟奄仔泥蟹完全不同。生薑田園芥蘭,烚菜炒菜食足幾十年,人生中第一次蒸菜。菜汁百份百保存,清淡爽甜,翠嫩無渣,沾上豉油更可口。怪味和豚肉,個醬有點似印度咖哩香料,還有我討厭的茴香。鞋鞋韌韌的瘦肉,試試就算喇。激戰連場都係海鮮,感覺肚空空要來點紅肉給點充實感覺。雪花和牛,質地滑而薄衣衣,和牛本身淡口再加上薄切就更加試不到味道,幸好有辣椒豉油提鮮提味。蟲草花滑雞豬骨粥,我兩都不愛南瓜,走掉吧!到尾聲才記起,蟲草花蒸雞呢?侍應漏單後補,搞到我都無影相啊!全部落晒煲粥一鑊熟,加多一點肉味。粥底清淡,海鮮味肉甜味都微弱,辣椒豉油出場!已經食到肚脹脹飽飽的,免強吞下兩小碗,其他打包返屋企慢慢嘆。和牛豬骨粥,我唔食南瓜所以早就要求去掉。用上桶骨真好,勁啜甘香骨髓,何解不將豬骨醃咸才餚粥呢?雪藏豬骨完全無味,搞到連個粥都清淡如水。就算加入整碟和牛一齊煲粥都於事無補,和牛本身都係淡口。還有必須備百搭辣椒豉油,落幾滴生龍活虎!冰鎮小菠蘿,港女極想食水果,無問題。一隻甜美多汁,一隻壞掉怪味,飯後果無意見。 continue reading
(The above review is the personal opinion of a user which does not represent OpenRice's point of view.)
Level3 2019-08-28
1280 views
成日行過見到呢間野都好似唔錯咁,朋友食完話OK,所以今次就一齊去試啦。6點幾個陣上openrice book 19:15都有得book,去到個陣揾lift搭個陣已經有職員係度等緊我地。入面都幾大,幾寬落,兩個人坐既卡位都可以坐到4-6人,所以坐得舒服。叫左個A餐,每人叫一個餐就可以半價加餐牌既野,所以一人叫左一個A餐。半價加左大雪花和牛、櫻花葉蝦丸(其實我地只係加手打蝦丸但店員比左櫻花葉蝦丸我地所以算啦)枱面SET時間呢個爐,夠鐘會響,會有店員尼幫你開蓋同分埋,再幫你蒸下一樣野,唔洗自己動手跟餐既貝類,芒蜆、馬刀貝、花甲王,全部都鮮甜唔錯跟餐既海鮮,龍蝦、鮑魚、蟹、聖子、貴妃蚌龍蝦都幾大隻,幾有味鮑魚pat綠色野麻麻地,鮑魚好彈牙蟹都好多膏,唔錯貴妃蚌就比白汁D味遮過左,不過口感都唔錯蟲草花蒸雞冇影到,不過雞肉嫩滑,冇雪味,蟲草花好食櫻花葉蝦丸,D櫻花葉味麻麻地,可能普通蝦丸會好食D雪花和牛(大) 咁就叫大份,好似細碟左少少好香油味,唔錯蔬菜籃,菜心好甜最後既南瓜粥甜品(jelly)水果:桃,幾好食,又大又多汁馬拉糕and蜂巢糕,兩樣都好味食到非常飽差D要打包,而且唔洗自己動手,有店員幫我地蒸埋都唔錯 continue reading
(The above review is the personal opinion of a user which does not represent OpenRice's point of view.)
Level4 2019-07-29
1041 views
中國人煮海鮮就煮得最好啦,食海鮮一定係蒸係最好食嘅,最新鮮最原汁原味。喺呢度食到最新鮮仲游緊水嘅海鮮,價錢合理,兩個人食咗7-8 款海鮮,全部都新鮮活跳, 埋單每人都只係大概$500。 首先我一定要講下佢嘅自家製甜品,佢嘅jelly 造型竟然做到好似士巴拿咁, 我仲問 吓? 係咩嚟㗎? 原來係jelly 呀. 真係做得非常神似, 大小朋友見到都覺得好神奇好得意。另外薑汁糕同埋紅棗千層糕都非常之好食,一定要留肚食呢兩款甜品。全部海鮮都非常新鮮, 龍蝦肉彈牙,蟹肉鮮甜,蜆肉juicy 肥美, 鮑魚配左蔬菜汁令到鮑魚嘅鮮甜更加突出。想再食海鮮嘅時候一定會再嚟呢一度。 continue reading
(The above review is the personal opinion of a user which does not represent OpenRice's point of view.)
Level4 2019-07-17
886 views
我家海鮮控老闆 説要吃海鮮餐,就去吃蒸海鮮啊。叫咗一個二人餐,大概$1000 ,吃海鮮,海鮮夠新鮮嘅話,清蒸加小許醬料, 就已經可以帶出海鮮嘅鮮味,是最好吃的方法。海鮮盤上菜的時候超級大的一盤,好震撼好開心。這家海鮮都非常新鮮,肉嫩彈牙。 聖子、鮑魚、貴妃蚌 都配上左三款唔同嘅自家製醬汁,非常有驚喜。鮑魚配嘅蔬菜汁好特別,貴妃蚌配白汁都係第一次食,帶出咗貴妃旁嘅鮮甜。 特別推介沙白,大蛽 超級鮮甜,非常juicy! 最後的海鮮精華 雞肉蟲草花南瓜粥 綿綿的 甜甜的。 continue reading
(The above review is the personal opinion of a user which does not represent OpenRice's point of view.)
Level2 2019-07-15
694 views
提早一日訂左位,但去到根本無乜人,有小小驚中伏。同fd叫左一個around 500一位既set,會有嬸嬸幫你逐樣擺落去蒸,個底系豬骨南瓜粥,最後先食。一開始系會食幾種不同既貝類海產,之後系﨡子,然後系鮑魚,龍蝦,蟹仲有鷄同甜品糕點。一開始以為會唔飽,但食到後期其實真系好夠飽。D海鮮都算ok新鮮。唯二覺得不足既就系sevice比較差,同埋d海鮮自己搭配既醬料好奇怪…有白汁之類西式醬料,有點兒唔match。 continue reading
(The above review is the personal opinion of a user which does not represent OpenRice's point of view.)