南記海鮮飯店

Open Now

Now Closed

屋企人近排好鍾意到屯門三聖邨食海鮮。先到附近的海鮮店買你鍾意的海鮮，之後就拎去南記比餐廳加工就可以。温馨一提，記住book位，想食燒鵝可以留定先。先黎一份芝士焗龍蝦，芝士的份量都幾多，而且表層的芝士焗到脆卜卜，口感up！肉質焗完仲係好Moist，唔會乾曬。蒜蓉粉絲蒸扇貝，粉絲量都幾多，不過蒜蓉迷的我就覺得蒜蓉唔多夠，不過整體都ok的。呢個蒜子菜心，菜煮完好入味。蒸魚蒸個岩岩好，熟但唔會乾。花甲炒得非常夠味椒鹽豆腐炸得香脆，入面夠軟滑曾經食過d好un的炸蠔，但蠔炸得岩岩好。如果要挑剔的，我會想個皮可以再酥少少。第一次食蝴蝶蜆，加埋個上湯一齊煮又幾鮮甜。