Video
Read full review
2021-04-20
95 views
不嬲我都好鍾意食海鮮，不過海鮮依家野真係唔係度度都好食，除咗會去西貢布袋澳之外，呢間蟹仙海鮮蒸氣火鍋好耐之前同朋友食過，一直都好鍾意，咁啱知道原來佢哋喺尖沙咀都有分店，今日行經呢到附近，順便食餐好！餐廳有唔少海鮮選擇，可以按口味單點，或者叫套餐都得。我就覺得套餐抵啲，四百零蚊就可以試到好多款海鮮，對於樣樣都想試嘅貪心鬼來講，非常吸引！落單之後，店員好快就送上海鮮，有大大隻嘅膏蟹、青年龍蝦、星斑、九孔鮑、月亮貝、紐西蘭大青口等等。星斑魚肉嫩滑鮮甜，醬油唔會搶走魚肉嘅鮮味，而且魚肉結實，唔會太多骨，食起嚟啖啖都係肉。青年龍蝦夠曬彈牙鮮甜，更充滿金黃濃郁嘅蝦膏，睇見賣相都夠晒吸引，入口更是鮮味彈牙。至於膏蟹都係我嘅最愛，甘香肥美嘅蟹膏流到成手都係， 蟹肉鮮甜結實！鮑魚大大隻，爽口清甜，非常好食，就算唔加任何醬汁都一樣好味！月亮貝都好特別，外表好似一隻大大嘅蜆，但佢既貝肉好圓，飽滿而且脹卜卜，咬落都好重海水味，真係好新鮮！海鮮食得七七八八之後，仲有個蔬菜拼盤，清清味蕾同腸胃。在品嚐埋個海鮮精華粥底，將頭先蒸過海鮮嘅煮成粥，將全部海鮮精華都唔好浪費，粥底冇加太多調味料，只有豬骨同少少菜莆，但味道
餐廳有唔少海鮮選擇，可以按口味單點，或者叫套餐都得。我就覺得套餐抵啲，四百零蚊就可以試到好多款海鮮，對於樣樣都想試嘅貪心鬼來講，非常吸引！
落單之後，店員好快就送上海鮮，有大大隻嘅膏蟹、青年龍蝦、星斑、九孔鮑、月亮貝、紐西蘭大青口等等。
星斑魚肉嫩滑鮮甜，醬油唔會搶走魚肉嘅鮮味，而且魚肉結實，唔會太多骨，食起嚟啖啖都係肉。
青年龍蝦夠曬彈牙鮮甜，更充滿金黃濃郁嘅蝦膏，睇見賣相都夠晒吸引，入口更是鮮味彈牙。
至於膏蟹都係我嘅最愛，甘香肥美嘅蟹膏流到成手都係， 蟹肉鮮甜結實！
鮑魚大大隻，爽口清甜，非常好食，就算唔加任何醬汁都一樣好味！
月亮貝都好特別，外表好似一隻大大嘅蜆，但佢既貝肉好圓，飽滿而且脹卜卜，咬落都好重海水味，真係好新鮮！
海鮮食得七七八八之後，仲有個蔬菜拼盤，清清味蕾同腸胃。
在品嚐埋個海鮮精華粥底，將頭先蒸過海鮮嘅煮成粥，將全部海鮮精華都唔好浪費，粥底冇加太多調味料，只有豬骨同少少菜莆，但味道都好甜！
最後再食埋個椰汁燕窩，今餐食得滿足之餘，滋味又養顏，人均價錢亦都合理。
Post
