Video
Read full review
2015-12-13
597 views
近來愈黎愈鍾意去棉登徑搵食，皆因呢度交通方便、旺中帶靜，好多餐廳選擇，而且一般環境都唔錯。今日朋友話想食魚生，就去嵐山試試。六點幾黎到，餐廳仲有唔少位，揀個靚位坐低先。前菜先黎，左邊牛蒡，右邊蕎頭，兩種都酸酸甜甜，開胃又有益！至於中間呢塊半透明物體，究竟係乜冬冬？問下侍應先生，原來係三文魚頭軟骨，咁得意？第一次試，爽爽地，用醋醃到酸酸地，無腥味，夾埋青瓜食，幾有新鮮感。先黎海鮮沙律($108)同各種刺身，包括由左至右：油甘魚($68)、三文魚($38)、伊左本魚($70)、用蔥花、薑蓉處理過既池魚他他(用紫菜夾住食，$68)。老實講，我平時唔食魚生既，但生既貝類刺身我會食，所以我撩晒海鮮沙律入面既帶子出黎食，好新鮮，好有帶子本身既鮮甜味，正！咁其他魚生，我朋友都話好甜美甘香，魚油足，全部靚野黎，食到佢好滿足。甜蝦蓉香芒卷 ($118)，正到暈！面頭係甜蝦刺身，夠鮮甜，飯入面用紫菜同蔬菜包住新鮮芒果，成個配搭好好，芒果夠甜，紫菜同蔬菜係爽脆既，咬落去sok sok聲，加埋芒果同甜蝦既甜味，美味，係我誠意既推介。牛肉鍋($118)有好豐富既食材，包括雞蛋、新鮮冬菇、豆腐、粉絲、金菇、Rob
六點幾黎到，餐廳仲有唔少位，揀個靚位坐低先。
前菜先黎，左邊牛蒡，右邊蕎頭，兩種都酸酸甜甜，開胃又有益！至於中間呢塊半透明物體，究竟係乜冬冬？問下侍應先生，原來係三文魚頭軟骨，咁得意？第一次試，爽爽地，用醋醃到酸酸地，無腥味，夾埋青瓜食，幾有新鮮感。
先黎海鮮沙律($108)同各種刺身，包括由左至右：油甘魚($68)、三文魚($38)、伊左本魚($70)、用蔥花、薑蓉處理過既池魚他他(用紫菜夾住食，$68)。老實講，我平時唔食魚生既，但生既貝類刺身我會食，所以我撩晒海鮮沙律入面既帶子出黎食，好新鮮，好有帶子本身既鮮甜味，正！咁其他魚生，我朋友都話好甜美甘香，魚油足，全部靚野黎，食到佢好滿足。
甜蝦蓉香芒卷 ($118)，正到暈！面頭係甜蝦刺身，夠鮮甜，飯入面用紫菜同蔬菜包住新鮮芒果，成個配搭好好，芒果夠甜，紫菜同蔬菜係爽脆既，咬落去sok sok聲，加埋芒果同甜蝦既甜味，美味，係我誠意既推介。
牛肉鍋($118)有好豐富既食材，包括雞蛋、新鮮冬菇、豆腐、粉絲、金菇、Robert Hung (紅蘿蔔)、蔬菜、日式魚蛋等等，當然仲有成個鍋既靈魂 -- 牛肉啦。個牛肉實在靚，唔會好似街邊D cheap肥牛，嵐山既牛肉肥瘦適中，厚身，而且肉腍無渣；湯底調味適中，少少甜味，平時俾我會叫碗白飯黎撈，但今餐仲有其他好野食，就忍一忍啦。
牛油帶子焗雜菇($68)，雜菇包括新鮮冬菇同金菇，用錫紙上，夠原汁原味。雜菇有牛油香之餘，餐廳仲細心附上檸檬，唧少少檸檬汁上去，減低左牛油既肥膩感，好食。
鰻魚炒飯($98)，鰻魚好大粒，啖啖肉，口感佳；個飯炒得好好，有少少焦香，飯粒分明，入面仲有少少蔥花、紅蘿蔔、甜粟米等蔬菜，口感豐富。
平時我好少飲酒，今晚高興，就叫一杯梅酒($58)兩個女仔些牙。我諗杯酒既濃度都幾高，好keng，不過好彩杯入面有舊好大既冰，可以慢慢飲，等舊冰溶左就啱我飲啦。今晚食左八百幾蚊，以呢一區呢個質素黎講，物有所值！
Post
