金記冰室 (Two Harbour Square) (Closed)

觀塘新開左間金記冰室，係附近放工就黎試下啦。係門口就睇到大大個燈牌，十分搶眼，係人行過都會望幾眼。裡面都幾大，大量卡位，啱曬三四個朋友一齊黎，一入門口仲有張大圓枱，十個人一齊食都無問題。新一代既冰室都追上潮流，用手機落單，介面簡單易用，相信唔會難到年輕人，如果唔得，店員都好樂意幫你人手落單。叫左雜扒薯菜，上菜都快，職員對香港人十分親切，有咩都會幫你搞掂佢，連上菜都會講聲「唔好意思」先放低個餐。讚👍🏻鐵板好夠熱，可以炸炸聲。又唔會整燶d野食👍🏻👍🏻，薯條都應該係即炸，keep到好脆。順便一提，餐牌中有唔少傳統香港冰室用語，有唔少我都未聽過，廣東話真係勁阿。