一喜車仔麵

Open Now

Now Closed

其實個人比較少去食車仔麵，因爲環境比較污糟同迫，但係最近經過重慶大廈地庫既然Heath，見到一間裝修非常新潮既【一喜車仔麵】，環境乾净、座位寬敞，完全顛覆我對傳統車仔麵既印象，所以就去試下。紫菜四寶净餸配黃金鷄湯：四寶包括魷魚丸、馬餃豬肉丸、瀨尿牛筋丸、小米粿，另外再加淮山麵同生菜。黃金鷄湯非常濃郁但清甜、魷魚丸非常多魷魚粒粒、彈牙，馬餃豬肉丸調味好特別、瀨尿牛筋丸牛味香濃、爆曬汁，小米粿第一次食、外層軟軟糯糯，不錯。另外加淮山麵非常挂湯。12粒咖喱魚蛋：咖喱個人覺得唔辣反而幾香，不過略嫌魚蛋有少少霖。石斛竹蔗茅根水：唔會好甜，非常清熱解渴。