一喜車仔麵

Open Now

Now Closed

響尖沙咀iSquare買完嘢響附近搵嘢食，搵搵吓見到呢間車仔麵好似幾正😋🔸清湯浸蘿蔔食車仔麵最鍾意食蘿蔔，清甜夠腍無渣👍🏻🔸炸韭菜餃🥟金黃酥脆嘅韭菜餃好飽滿，豬肉加韭菜炸得好香口，配泰式甜辣醬是必需的！🔸咖喱四寶🥘地道嘅咖喱四寶中有魚蛋、魷魚、牛腩、牛栢葉，咖喱醬好香！魚蛋彈牙、魷魚爽口、牛栢葉吸滿咖喱汁😍 牛腩炆得入味，份量十足～🔸爆汁瀨尿牛筋丸·汕尾馬鮫豬肉丸·豬手·酸齋·黃金雞湯米粉🍜黃金雞湯好濃郁🤩 配米粉值得一試～一定要食特級瀨尿牛筋丸！😍 要原粒放入口食先感受到點爆汁法🤣汕尾馬鮫豬肉丸幾特別，係較少有嘅選擇～豬手有兩大嚿炆得夠腍👍🏻🔸生炸雞扒·豬大腸·豬皮·沙嗲汁粗麵生炸雞扒即叫即炸雞肉仲嫩～ 豬大腸處理得乾淨又有嚼勁。豬皮吸晒沙嗲湯精華，配埋粗麵真係風味十足！🔸瑞士汁雞翼最後見隔離枱食瑞士汁雞翼好吸引又叫埋🤣瑞士汁甜甜地，好味到輕鬆食咗三隻🫣餐廳響慶方入面，iSquare對出大馬路方向直望就係慶方～落到地庫直行到尾轉右就見到車仔麵檔，好易搵👍🏻相比起一般嘅車仔麵檔，呢度餸嘅款式特別多之餘，連小食都好多款。樣樣都想食，要出動大胃王男友清桌🤣🐾貓奴足跡🐾🌐一喜車仔麵 (尖沙咀

估唔到重慶大廈隔離有一個幾靚仔嘅地底商場，裏面有一間好地道嘅香港式車仔麵店。未入店，先見到一個好吸晴的舊式車仔麵車仔。入到去採用港式大排檔風格裝修，好有懷舊風格。尊貴10寶麵啱晒我呢啲唔鍾意諗啲咩餸嘅人，但樣樣都想試嘅人點。內有牛腩，瀨尿牛筋丸，瑞士汁雞翼，翼尖，魷魚丸，豬紅，豬皮，蘿蔔，紅腸，時菜（通菜）。餐廳超大方每粒丸都有兩粒，出面好少有車仔麵店比咁多料，成碗滿晒，料多過麵，超少有。想健康嘅朋友可以配上淮山麵。上湯鴛鴦餃(3韭,4菜肉）皮薄餡靚，唔會過大嚿，叫來送車仔麵加菜，剛剛好。炸韭菜餃(6隻)又係鄙薄餡，靚炸到金黃色食落外脆內軟口感非常正葱油孖寶飯 (雞扒+豬扒)雞扒非常嫩身，外脆內軟。豬扒好脆。蔥油撈飯超好味。紫菜4寶淨餸 (黃金雞湯)餐廳秘製黃金雞湯，黃金湯飲落有濃濃的雞味，亦有忌廉湯味，估唔到咁好飲，出面飲唔到呢種雞湯味道。內有瀨尿牛筋丸, 汕尾馬鮫豬肉丸, 有魷魚的魷魚丸,汕尾小米粿。每粒丸都有兩粒非常多料。菜芯 （牛腩汁）菜心非常爽甜加埋牛腩汁冇得頂。餐廳自製辣椒醬使用龍蝦肉、瑤柱、XO醬做成。食到辣嘅朋友記得買非常之辣，有點似桂林辣椒醬的味道。豆漿同竹蔗茅根都係

《一喜車仔麵の食評》 by@ihungry.hk土瓜灣嘅食客一定好熟悉呢間車仔麵店——一喜車仔麵🥰！無論任何時間都會見到有人企排隊，大家都係為咗佢哋高質兼充滿人情味嘅美食而來！ 湯底都係用上等材料慢火熬製，大部分配料仲要係自家製作，傳統手工丸及餃子絕對係超高質👍！🔸『牛寶寶 - $60』牛寶寶包括牛腩、瀨尿牛筋丸、肥牛、牛柏葉，可以盡情享受多種牛肉口感，仲可以細味濃郁牛湯嘅鮮味！🔸『自選車仔麵 - $68』自選車仔麵有多達20配料選擇小編特別推薦手打丸類，如芥末貢丸及魷魚炸丸，超彈牙超新鮮超Juicy，而湯底方面，小編特別推薦秘製雞湯🐥，湯底清甜到好似將一整隻雞嘅精華煮出嚟！🔸『咖哩三寶 - $35』咖哩三寶包括魚旦、魷魚及牛柏葉，咖哩的香氣與同呢三種食材的豐富度完美結合，令你在咬下第一口時就可以感受到濃郁咖哩香味！🔸『生菜魚肉 - $30』湯底口感清爽鮮甜，簡單卻不失風味，魚肉嫩滑與生菜清脆完美搭配，超好味！ 🌟🔸『新鮮爽滑魚皮 - $39』魚皮爽脆可口，搭配重口味調味料，讓你欲罷不能！ 魚皮爽脆口感加上調味料風味，讓你一次又一次地回味無窮，非常適合喜愛魚皮嘅朋友仔😋！🤪iHungr

尖沙咀isquare附近有一個名為「慶方」的商場，入口有電梯直落地庫。之前已光顧過入面的幾間餐廳，今晚再過來搵食。慶方商場內滿佈食肆，今次和朋友選擇了來這間「一喜車仔麵」用餐。一向喜歡吃車仔麵，因為可以按個人口味自由選擇配搭！第一碗是米線配沙嗲汁湯底，再選擇了四個餸：午餐肉、炸墨魚丸、有魷魚粒的魷魚丸和生菜。米線偏爽，沙嗲汁湯底很香濃，未有過鹹之感。午餐肉厚切煎香，2款丸的口感都頗為彈牙，而炸的一款更是惹味一些。第二碗就選了銀針粉，平時食車仔麵好少見到有這個選擇，滑溜口感又帶點Q彈。配上他們的招牌黄金雞湯，濃稠鮮香，和銀針粉都幾搭。這一碗揀了三款餸，有炸蝦條、瑞士汁雞中翼，以及生炸酥脆豬扒。蝦條內餡除了蝦肉，也混合菜蔬，口感幾豐富。美中不足是豬扒浸了湯，外皮淋掉，未能感受到生炸的酥脆感。魚蛋大粒，入口有彈牙感，帶微微魚香味，證明不是用平價貨。咖哩汁味道非常香濃，微辣惹味。後來店家介紹得知醬汁是自家製作，以各式香料去炒成，心機之作。這個是例牌半份的份量。叉燒屬於瘦叉，肉質比較紮實，入口有蜜汁香味。加配了他們的自家製飲品。石斛竹蔗茅根水甜度適中，滋潤又解渴。

凍冰冰係尖沙咀想食碗麵 發現了這間有點隱世的車仔麵 因為不是坐落於大街上 要在慶方落一層電梯到地庫 店舖明亮整潔 可以坐得好舒服咁食車仔麵在門口已經見到餐牌有超級多選擇 除咗大量車仔餸外 還可以點飯類、生菜魚肉、炸物等等 飲品還有自家製涼茶、豆腐等我點了自選車仔麵（酸齋、汕尾馬鮫豬肉丸、特級瀨尿牛筋丸、豬大腸、牛腩汁）；朋友的沙嗲牛腩烏冬（走湯撈沙嗲汁+麻辣汁）加了豬紅、魚皮餃、豬腩肉；另點小食：咖哩魚蛋、瑞士汁雞中翼、椒絲腐乳通菜必點推介一定是咖哩魚蛋！好耐無食過咁好食既咖哩魚蛋～首先魚蛋本身高質 大粒幾彈牙 一d都唔會係粉果種 咖哩汁微辣但香濃 適合大眾口味👍🏻另外沙嗲牛腩都是高質之選！牛腩炆得超級濃味 而且份量好多 送飯一流！車仔麵配料的豬腩肉、特級瀨尿牛筋丸和魚皮餃都不錯整體來說 食得出一喜本身來貨都是較有質素的食材 選擇又多 價錢在尖沙咀區絕對是抵食 下次要試埋佢另一signature的叉燒！❣️ 一喜車仔麵 (尖沙咀)尖沙咀彌敦道36-44號慶方地庫S19-21號舖

係尖沙咀樣樣野都唔平 但係isquare 對面既小商場地庫下面有一個好似foodcourt 既物體 又有好多小餐廳想係尖沙咀食啲平民local 野選擇唔算多 所以今日就試下呢間車仔麵 小店～初初以為係啲做遊客生意既貴價車仔麵點知佢價錢合理 午餐時間都好多打工仔幫襯小食有好多野揀 價錢仲要唔貴🍜自選車仔麵🍜揀左個好似幾特別既特級瀨尿牛筋丸 一咬啲肉汁就爆曬出黎生炸豬扒炸得唔乾 啲肉肥瘦啱啱好 連骨既豬扒係最好食欣賞佢豬大腸洗得乾淨唔會臭 份量仲要好多滷水牛腱超厚 食落啖啖肉 比起薄牛𦟌好食好多🥟炸韮菜餃 🥟對於食得唔多又為食既我 呢個細細粒就啱曬有時好怕啲韮菜餃重調味 但呢個主要係韮菜味 唔會過份多其他醃料味 又炸得勁脆 好正🍲韮菜豬紅🍲豬紅份量勁多 煮到入曬味 韮菜唔會過老 唔會食完LUR 到渣 開心最怕係個汁好油既韮菜豬紅 但呢個完全唔會！🤎咖哩四寶🤎大推呢度既魷魚同牛柏葉 好爽好好食呢個咖哩係偏杰 所以掛曬落啲牛柏葉度 好好食咖哩食得出係自己炒 下次食麵 都要叫咖哩湯～🐖大推！叉燒 🐖最後真係要大推呢度既叉燒 真係好好食半肥瘦 既部分 超爽彈 個脂肪位係脆脆地🥹醃料唔會係好多醬好

#乜乜吉吉 $45下午茶有麵有菜送野飲又真係幾抵====== Highlight 特色 ======🔺適合1-4人 🔺下午茶抵🔺冷氣都幾凍====== Food 食物 ======見Openrice好多好評，又講到必試雞湯底，就入去試下。坐底研究咗餐牌一陣咁啱2:30 下午茶紫菜四寶由49蚊無野飲減至$45，仲送油菜＋飲品--好抵！🫢🍊紫菜 - 都幾襯湯底🍊汕尾馬餃豬肉丸 - 正常🍊賴尿牛筋丸 - 有肉汁有肉味Ok的🍊有魷魚粒的魷魚丸 - 幾好食🍊幼麵底 - 正常腐乳通菜 - 好似淥得耐咗，少少削，但免費份量黎講算係咁🫢+$5 秘製黃金雞湯： 未驚豔到拉麵嗰啲白雞湯，性價比Ok，個人覺得可加可唔加檸檬茶有3塊檸檬，好足～讚！😌好想試炸韮菜餃同叉燒🧐門口個車仔檔打卡一流

一睇碗麵就知中伏！腩汁杰撻撻黐住晒啲麵，食落粉感超重，完全冇牛腩應有嘅油香，似足溝稀咗嘅芡粉水，仲帶住陣古怪嘅油膱味。 最離譜係60幾蚊碗麵竟然用煮到爛晒嘅幼麵，淋到夾都夾唔起，同啲假腩汁撈埋一pat嘢咁。豬大腸算係全碗唯一正常，但都救唔返呢個災難。湯底淡到似水，飲咗一啖就唔想再掂。 街邊$30碗車仔麵都好食過佢！收得呢個價錢但求其成咁，簡直當食客係水魚。以後都係幫襯返地道小店，至少人哋啲麵唔會煮到糊晒！

原來重慶大廈隔離地庫既位置，搭扶手電梯落一層，有好多好嘢食。其中有一間車仔麵舖，價錢貼地，深受遊客同附近打工仔喜愛，佢就係 一喜車仔麵😊 店舖面積好大，好闊落，店舖有好多香港情懷嘅裝修，好有港式風味。 呢度除咗有車仔麵，仲有好多小食，種類十分之豐富！1） 車仔麵：可以按個人喜好而選擇餸菜，上枱時大大碗，非常滿足！！😍今次叫左： 豬手、炸蝦條、白蘿蔔及紫菜配米粉（咖哩汁）。 瀨尿牛丸、秘製蜜汁叉燒及生菜配幼麵（黃金雞湯）湯底濃郁，唔會過鹹，雞湯好滋補。 米粉同幼麵質地柔軟，好掛湯。🧡炸蝦條好厚身，爽滑彈牙🧡瀨尿牛丸有爆漿效果，好彈牙，好個隱😁 🧡秘製蜜汁叉燒，招牌菜，肥瘦適中，咬落鬆軟，非常可口！ 🧡白蘿蔔軟淋，好鮮甜2）🍢咖哩三寶-魚蛋魷魚牛柏葉 咖哩汁入口眉甜，醬汁濃郁。三寶都索曬咖哩汁，好有咬口。3）🐬涼拌爽滑魚皮 魚皮爽脆，配上花生、椰菜絲，再配上秘製麻辣汁，食落好惹味好有層次感！4）🥬椒絲腐乳通菜-通菜好鮮嫩，爽脆清甜，配上鹹香嘅腐乳醬，好美味！

喺尖沙咀重慶大廈附近嘅慶方商場地庫，搵到一間港式車仔麵小店，真係有驚喜！由彌敦道慶方嘅大門口入去商場，沿住電梯落到底，店面就喺地庫嘅角落，門口有個懷舊車仔麵檔裝飾，木製推車同舊式招牌，彷彿帶我哋穿越回昔日嘅街頭小食時代。店內格局保留咗傳統麵檔嘅簡約風，木桌木椅，牆上貼滿咗舊式菜單，氣氛親切又充滿人情味。今次試咗幾款小食跟車仔麵，香辣單骨雞中翼煎得外脆內嫩，辣味不過火，啖啖肉香。生菜魚肉新鮮滑嫩，配上清甜嘅生菜，簡單又開胃。惹味豬手，肉質軟糯，南乳味滲透入味，食落滿足感十足。自選車仔麵揀咗米粉，加入豬紅、鳳爪、冬菇同水魷魚，湯底濃郁香濃，米粉啖啖爽口，鳳爪滷得軟腍，膠質豐富，咬落有彈性同入味嘅滷香；冬菇吸滿湯汁，味道鮮甜，口感軟滑；水魷魚新鮮彈牙，配上沙嗲汁嘅微辣，層次感十足。多蔥加進去提味，鮮香撲鼻，平衡咗整體嘅油膩感。另一碗滷水豬大腸牛腩車仔麵同樣出色，米粉爽滑，湯底同樣濃郁，豬大腸滷到軟滑入味，帶出獨特嘅蒜香；牛腩肉質嫩滑，滷汁滲透每吋肉纖，配上沙嗲汁同多蔥，香辣同鮮甜完美融合。無論邊款餸，沙嗲汁嘅微辣總係能提升整碗麵嘅風味，令人食得滿足又回味。支裝無糖烏龍茶清新解膩，凍奶茶，則濃

今日dinner突然好想食車仔麵，所以第一時間就諗起位於彌敦道慶方嘅一喜車仔麵，呢到落地庫商場好快就會見到門口有個打卡位，就係以前車仔麵檔嘅模型還得意！鍾意呢間多選擇而且超好味！上湯韭菜餃有6隻，外皮薄，但係餡料好飽滿，咖哩魚蛋夠彈牙，最主要就係咖喱夠香濃！生菜魚肉完全冇腥味，正！菜方面就叫咗一碟韭菜超新鮮，完全冇渣！你得就梗係要叫車仔麵啦，今次叫咗兩碗，第一碗係准山麵配秘製黃金雞湯加汕尾小米粿，其實就係豬肉粉粿，口感QQ，幾特別，外面好少見。汕尾馬鮫豬肉丸同深海粒粒墨魚丸都幾正，真係有好多墨魚，就連個自製韭菜餃都係鄙薄餡靚，好香韭菜味。 厚叉燒個叉燒汁條配得幾好，甜甜地，我要咗全瘦，都唔會太嚡。呢到d支裝豆漿都幾好味，好濃黃豆味，唔會太甜。至於另外嗰本車仔麵，覺得最出色嘅兩個餸就係特級瀨尿牛筋丸 同生炸豬扒。瀨尿牛筋丸真係好彈牙，咬落去真係要小心啲，真係會彈汁㗎炸豬扒亦都炸得酥脆又唔會油膩，超厚一塊好正！

今日星期日lunch time喺尖沙咀試咗一間汕尾風味嘅車仔麵，食品有特色兼且味道都唔錯。第一碗兩餸車仔麵就叫咗自家製韮菜餃同埋汕尾馬鮫豬肉丸，面底就揀油麵，要多蔥，湯底就要返普通嘅清湯。各韭菜餃同埋汕尾馬鮫豬肉丸味道都唔錯，係個size細粒咗少少。第二碗兩餸車仔麵就揀咗冬菇同埋魷魚丸，冬菇好厚身，魷魚丸入面有魷魚粒所以味道都唔錯，面底揀咗米粉，都係清湯。另外就叫咗個小食，叫做汕尾小米粿，其實即係當地人叫嘅燒賣，呢個好好食。飲品叫咗支黑豆漿。

呢間餐廳環境勁闊落，座位好多，位於重慶大廈隔離既新商場慶方地庫。我地叫左一碗牛腩飯，入面有好多蘿蔔，蘿蔔好入味，牛腩大大塊，食落口感煙韌，份量好多。牛腩飯既飯底都係自己餐廳煲既食落無甘硬。好多反工既人午餐都會黎買嫁。炸物小食呢度既款式真係好多，我地叫左一份炸汕頭魚蛋，三款特色既丸類食落彈牙又好味。炸豬扒份量超大塊又鬆脆嫩滑。一喜車仔麵地址: 九龍尖沙咀彌敦道36-44號重慶大廈地庫慶方S19-21號舖

重慶大廈隔籬呢個地下food court開咗幾年，多數都係見啲遊客會去嗰度食蘭香園茶記，近排行過見到有間幾有特色嘅車仔麵店，Menu仲有唔少創新車仔餸～自選車仔麵一睇個menu實在太多樣餸都太吸引，今次一口氣叫7樣餸😆🤭有韭菜、豬皮、蘿蔔、豬手、魷魚丸、瀨尿牛丸同酸齋。麵底當然唔少得油麵，湯底就揀咗出面少有嘅沙嗲，沙嗲味唔太濃，覺得下次可以試吓叫多汁咁應該嗰啲沙嗲汁會落得多啲再濃啲，但就算湯底唔濃味，豬手豬皮等等已經醃好有味道嘅餸都好入味，加上我最鍾意食嘅韭菜有淡淡韭菜香呢碗車仔麵好滿足🤭😋（成七樣餸好難唔滿足😆）推介車仔麵餸：真係有魷魚嘅魷魚丸出面好少叫有魷魚丸，佢唔同墨魚丸咁，佢用魷魚打成，質地比較再彈口啲有粒粒嘅魷魚肉會爆醬嘅瀨尿牛丸牛丸入面有粒肉餡，包住好多湯汁，真係一咬開啲汁就會唧晒出嚟😋大大嚿南乳豬手南乳豬手整得好入味，炆得夠腍惹味酸齋孫仔麵筋味道啱啱好，都係食車仔麵必叫嘅經典

尖沙咀｜濃郁黃金雞湯 特級瀨尿牛筋丸🍜重慶大廈隔離嘅慶方商場原來好多餐廳！價錢好親民💗車仔麵$12起！小食都係$20起！🔸必叫推介🔸1️⃣超正特級瀨尿牛筋丸，咬開真係爆汁🤤！第一次見，牛丸入面仲有牛肉餡料，唔同口感！後悔無單點小食(6粒) 🥹2️⃣黃金雞湯(+$5)一定要加！奶白色湯底超濃郁🐔飲到雞嘅鮮甜味！一啖麵一啖湯好正！3️⃣炸韭菜餃🥟皮薄！炸到超脆！柔軟韭菜豬肉餡，配泰式辣醬好惹味！★ 自選車仔麵/飯 $71(粗麵$12/ 豬紅$13/ 蘿白$13/ 汕尾小米粿3粒$13/ 特級瀨尿牛筋丸$15/ 秘製黃金雞湯+$5)★ 椒絲腐乳通菜 $20★ 炸韭菜餃（6隻）$30★ 瑞士汁雞中翼（4隻）$30★ 咖喱三寶（魚蛋、魷魚、牛柏葉） $45★ 叉燒燒肉飯 $59