裕鵝莊 (Closed)

亞士厘道有呢間裝修亮麗嘅燒鵝店「裕.鵝莊」，原來係深井裕記嘅分店，係尖沙咀就食到馳名嘅深井燒鵝真係夠曬方便。雪耳鮮奶燉雞湯 $88/位呢個湯料幾足，有啲雞肉同豬肉，因為加左🥛牛奶所以奶脂令湯更滑而不膩，味道都算清清地。炸鮮奶 $88外面酥脆，入面係軟糯嘅鮮奶，口感介乎麻糬同豆腐之間😛，好特別。椒鹽鮮魷 $118椒鹽味未算好重，🦑不過鮮魷真係好足，唔會淨係得麵粉，點啲豉油更滋味。麻辣蝦球 $180蝦大大粒，🦐爽口彈牙，炒四季豆，有啲四川風味。鵝油炒時蔬 $88我地揀左菜心🥬，份量都幾大份架，用番燒鵝嘅鵝油炒。鵝下庄 $190主角就係呢個數量限定嘅下庄，即係一大隻燒鵝髀，配酸梅醬。🦆鵝嘅脂肪係集中一層係皮下面，如果想夾開都好方便。鵝肉好嫩滑，🤤皮呈深紅色，脆身帶甜～茶位$8/位，要加一。茶用左蕎麥茶🍵，好香而且大家呢個時候應該聽到劉德華把聲：「蕎麥解脂。。。」💁🏻‍♀️呢度嘅裝修好用心，有卡位同大圓枱，適合唔同場合。