古今二 (觀塘工業中心)

Open Now

Now Closed

再訪古今二✨因為朋友無再係觀塘返工所以我都好耐無嚟觀塘工廈搵食喇！今次食返「古今二」試下新出品先😀三文魚壽司薄餅 $88上一次嚟仲未有sushi薄餅！好特別好創新！薄餅係用壽司飯再煎香外皮。咬落去口感好特別。再加咗脆脆同三文魚蓉係面層。睇落份量似細pizza，其實好飽肚。金龍卷 $88今次再叫招牌金龍卷，入口充滿芝士味，芝士控嘅我表示非常中意😬火山 $88由大量小卷堆疊出一座山，再加上大量帶子絲同蟹柳絲，同埋蟹籽作點綴。我最中意就係加咗青瓜，令整體感覺清新。蒜香牛油翠肉瓜 $25簡單用咗牛油同蒜蓉去烤，再加了黑椒同鹽調味，已經非常美味！豚肉露荀 $58薄切嘅豚肉包住露荀，油脂滿滿，送酒就最岩！甜蝦柚子沙律 $75份量好多，入面有蘋果，牛油果，柚子，蝦，羅馬生菜，加埋芝麻醬，超開胃。